കൊടുവള്ളി: സ്ത്രീകള് മാത്രമുള്ള വീടുകളില് കയറി മോഷണം നടത്തുന്ന യുവാവിനെ പോലീസ് അറസ്റ്റ് ചെയ്തു. പര്ദ്ദ നിസാര് എന്ന കരുവന്പൊയില് പുല്പറമ്പില് പുതുക്കി കുടി നിസാറി (27) നെയാണ് കൊട്ടുവള്ളി എസ്ഐ കെ. പ്രജീഷ് അറസ്റ്റ് ചെയ്തത്. കഴിഞ്ഞ ദിവസം പുലര്ച്ചെ വീട്ടില് അതിക്രമിച്ച് കടന്ന് സ്ത്രീയെ പീഡിപ്പിക്കാന് ശ്രമിച്ചെന്ന പരാതിയെത്തുടര്ന്നാണ് അറസ്റ്റ്. ചുണ്ടപ്പുറത്തെ ഒരു സ്ത്രീയാണ് പരാതി നല്കിയിരിക്കുന്നത്. പ്രതിക്കെതിരെ ഇതിന് മുമ്പും സമാനമായ പരാതികള് ഉണ്ടായിട്ടുണ്ടെന്ന് പോലീസ് പറഞ്ഞു. താമരശ്ശേരി കോടതിയില് ഹാജരാക്കിയ പ്രതിയെ റിമാന്റ് ചെയ്തു. പ്രവാസികളുടെ വീടുകള് കേന്ദ്രീകരിച്ചാണ് പ്രതിപീഡനവും കവര്ച്ചയും നടത്തുന്നത്.
പ്രതികരിക്കാൻ ഇവിടെ എഴുതുക: