ശാസ്താംകോട്ട: മതേതരത്വം പറയുന്ന സിപിഎം നേതാക്കള് ചക്കുവള്ളിക്ഷേത്രഭൂമി വിഷയത്തില് വര്ഗീയപരമായാണ് പെരുമാറുന്നതെന്ന് കേരള ക്ഷേത്രസംരക്ഷണസമിതി സംസ്ഥാന സെക്രട്ടറി ഡോ.ശ്രീഗംഗ പറഞ്ഞു. ചക്കുവള്ളി ക്ഷേത്രഭൂമിയിലെ കയ്യേറ്റവിരുദ്ധ പ്രക്ഷോഭത്തിന്റെ ഭാഗമായി ഇന്നലെ നടന്ന മാതൃസംഗമം ഉദ്ഘാടനം ചെയ്യുകയായിരുന്നു അവര്.
ജാതിമത ചിന്തകള്ക്ക് അതീതമായി സൗഹൃദത്തോടെ ജനങ്ങള് താമസിക്കുന്ന ചക്കുവള്ളി പ്രദേശത്ത് ന്യൂനപക്ഷ പ്രീണനം നടത്തി സംഘര്ഷം അഴിച്ചുവിടാനാണ് ജനപ്രതിനിധി കൂടിയായ സിപിഎം എംപി സോമപ്രസാദ് ലക്ഷ്യമിടുന്നതെന്നും ശ്രീഗംഗ കൂട്ടിച്ചേര്ത്തു. ദേവസ്വംഭൂമിയിലെ കയ്യേറ്റം ഒഴിപ്പിക്കാത്ത റവന്യൂ-പോലീസ് അധികാരികളുടെ നിലപാടില് പ്രതിഷേധിച്ചാണ് പരബ്രഹ്മക്ഷേത്ര വിമോചനസമിതിയുടെ നേതൃത്വത്തില് സമരം നടത്തുന്നത്. ഇതില് വര്ഗീയതയില്ല. കയ്യേറ്റക്കാരില് എല്ലാവിഭാഗത്തില്പ്പെട്ടവരുമുണ്ടെന്നും ശ്രീഗംഗ പറഞ്ഞു. മഹിളാമോര്ച്ച ജില്ലാപ്രസിഡന്റ് എ.സുമ അദ്ധ്യക്ഷത വഹിച്ചു. ശിവരഞ്ജിനി, ബിജെപി സംസ്ഥാനസമിതി അംഗം രാജേശ്വരിരാജേന്ദ്രന് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: