തൊടുപുഴ: സിപിഎം നഗരസഭ വാര്ഡ് കൗണ്സിലര്ക്ക് കോണ്ഗ്രസ് പ്രവര്ത്തകരുടെ മര്ദ്ദനമേറ്റതായി പരാതി. തൊടുപുഴ നഗരസഭ രണ്ടാം വാര്ഡിലെ കൗണ്സിലര് കെ കെ ഷിംനാസിനാണ് കഴിഞ്ഞ ദിവസം രാത്രി മര്ദ്ദനമേറ്റത്.
പരിക്കേറ്റ ഷിംനാസ് കാരിക്കോട് ജില്ലാ ആശുപത്രിയില് ചികിത്സ തേടി. വ്യാഴാഴ്ച രാത്രി 10 മണിയോടെയാണ് സംഭവം. വെങ്ങല്ലൂര്-പള്ളികുറ്റി റോഡില് ടൈല് പാകുന്ന ജോലി രാത്രിയിലും നടന്ന് വരികയായിരുന്നു. ഇതിനിടെ ഇവിടെ എത്തിയ കൗണ്സിലറോഡ് പ്രദേശത്തെ കോണ്ഗ്രസ് പ്രവര്ത്തകര് റോഡില് ടൈല് ഇടുന്നത് കുറച്ച് കൂടി നീട്ടണമെന്ന് ആവശ്യപ്പെടുകയായിരുന്നു. എന്നാല് ഇതിന് ഫണ്ടില്ലെന്നും അടുത്ത തവണ നോക്കാമെന്നും ഷിംനാസ് മറുപടി നല്കി. ഇത് ചോദ്യം ചെയ്തതാണ് സംഘര്ഷത്തിനും ചെറിയ തോതിലുള്ള ഉന്തിനും തള്ളിനും കാരണമെന്നാണ് വിവരം. വിവരം അറിഞ്ഞ് പോലീസും സ്ഥലത്തെത്തിയിരുന്നു. വാര്ഡില് അട്ടിമറി വിജയത്തോടെ കൗണ്സിലര് സ്ഥാനത്തേക്കെത്തിയ ഷിംനാസിന് നേരത്തെ മുതല് കോണ്ഗ്രസ് പ്രവര്ത്തകരുടെ ഭീഷണി ഉണ്ടായിരുന്നതായാണ് വിവരം. സംഭവത്തില് പോലീസ് കണ്ടാല് അറിയാവുന്ന അഞ്ച് പേര്ക്കെതിരെ കേസെടുത്തിട്ടുണ്ട്. ഇവരെ തെരഞ്ഞ് വരികയാണെന്ന് പ്രിന്സിപ്പല് എസ്ഐ ജോബിന് ആന്റണി പറഞ്ഞു.
പ്രതികരിക്കാൻ ഇവിടെ എഴുതുക: