നെയ്യാറ്റിന്കര: നെയ്യാറ്റിന്കര നഗരസഭ ബഡ്ജറ്റ് കഴിഞ്ഞ വര്ഷത്തെ ബഡ്ജറ്റിന്റെ തനിയാവര്ത്തനമെന്ന് ബിജെപി നഗരസഭ ബഡ്ജറ്റ് കഴിഞ്ഞദിവസം അവതരിപ്പിച്ചുവെങ്കിലും ബഡ്ജറ്റിന്മേലുളള ചര്ച്ച ഇന്നലെ നടക്കവേയാണ് ബിജെപിയുടെ ആരോപണം. തുടര്ന്ന് ബിജെപി കൗണ്സിലര്മാര് നഗരസഭയുടെ നടുത്തളത്തില് ബഡ്ജറ്റിന്റെ കോപ്പി കീറുകയും നഗരസഭയുടെ ജനവഞ്ചനയ്ക്കെതിരെ നഗരസഭയ്ക്ക് മുന്നില് കഞ്ഞിവച്ച് പ്രതിഷേധിക്കുകയുമായിരുന്നു.
കഴിഞ്ഞ വര്ഷത്തെ ബഡ്ജറ്റില് പ്രഖ്യാപിച്ച 90 ശതമാനം കാര്യങ്ങളും നടപ്പിലാക്കാന് സാധിക്കാത്ത ഭരണസമിതി നഗരസഭ പ്രദേശത്തെ ജനങ്ങള്ക്ക് കുടിവെളളപ്രശ്നം ,ചവര് സംസ്കരണം , പ്ലാസ്റ്റിക് മുക്ത നഗരം , പൊതു ശ്മശാനം എന്നീ അടിയന്തിരകാര്യങ്ങള് നടപ്പിലാക്കുന്ന കാര്യത്തിലും പരാജയപ്പെട്ടു എന്ന് ബിജെപി ആരോപിച്ചു. വികസന സ്തംഭനവും ബന്ധുനിയമനം എന്നിവയില് മാത്രം താല്പ്പര്യം കാണിക്കുന്ന ഒരു ഭരണസമിതിയാണ് നിലവിലുളളതെന്ന് പാര്ലമെന്ററി പാര്ട്ടി ലീഡര് ശിബുരാജ് കൃഷ്ണ ആരോപിച്ചു. നിലമേല് ഹരികുമാര് , അഡ്വ.സ്വപ്നജിത്ത് , വി.എന്.ശശികല , എന്.ഉഷകുമാരി എന്നീ കൗണ്സിലര്മാര് സംസാരിച്ചു.
പ്രതികരിക്കാൻ ഇവിടെ എഴുതുക: