കണ്ണൂര്: 2016 -17 വര്ഷത്തെ മിസിസ് സുധാകൃഷ്ണന് എന്ഡോവ്മെന്റ് അവാര്ഡുകള് വിതരണം ചെയ്തു.
കണ്ണൂര് സര്വ്വകലാശാലയോട് അഫിലിയേറ്റ് ചെയ്തിട്ടുള്ള ഗവ. എയ്ഡഡ് കോളേജുകളില് പഠിക്കുന്ന ഒന്നും രണ്ടും സെമസ്റ്റര് ബിരുദ വിദ്യാര്ത്ഥികള്ക്കായി കാഞ്ഞങ്ങാട് സ്വദേശി വി. കൃഷ്ണന് അദ്ദേഹത്തിന്റെ പത്നി സുധാകൃഷ്ണന്റെ പേരില് ഏര്പ്പെടുത്തിയിട്ടുള്ളതാണ് സ്കോളര്ഷിപ്പ്. സാമ്പത്തികമായി പിന്നോക്കം നില്ക്കുന്ന മത്സ്യത്തൊഴിലാളി കുടുംബങ്ങളില് നിന്നുള്ള സമര്ത്ഥരായ വിദ്യാര്ത്ഥികളെ പ്രോല്സാഹിപ്പിക്കുന്നതിനാണ് 2010 മുതല് സ്കോളര്ഷിപ്പ് ഏര്പ്പെടുത്തിയിട്ടുള്ളത്. ഗവ. കോളേജ് തലശ്ശേരിയിലെ അനുപമ ഡി, പയ്യന്നൂര് കോളേജിലെ റംസീന എംകെ. സര് സയ്യിദ് കോളേജിലെ സുഹൈമ. എ, ഫാത്തിമ. കെ.എ എന്നീ നാലു വിദ്യാര്ത്ഥിനികളാണ് ഈ വര്ഷം സ്കോളര്ഷിപ്പിനര്ഹരായത്.
സര്വ്വകലാശാലയുടെചെറുശ്ശേരി ഓഡിറ്റോറിയത്തില് നടന്ന ചടങ്ങില് വൈസ് ചാന്സിലര് ഡോ. എം.കെ. അബ്ദുള്ഖാദര് അവാര്ഡുകള് വിതരണം ചെയ്തു. രജിസ്ട്രാര് ഡോ. ബാലചന്ദ്രന് കീഴോത്ത് അദ്ധ്യക്ഷത വഹിച്ച ചടങ്ങിന് സിണ്ടിക്കേറ്റ് മെമ്പര് ഡോ. പി. ഓമന, ആകാശവാണി ഡയറക്ടര് കെ. ബാലചന്ദ്രന് എന്നിവര് സംസാരിച്ചു. സ്റ്റുഡന്റ് സര്വീസസ് ഡയറക്ടര് എം വി പത്മനാഭന് സ്വാഗതവും അസിസ്റ്റന്റ് രജിസ്ട്രാര് മുഹമ്മദ് കെ.പി നന്ദിയും പറഞ്ഞു. എന്ഡോവ്മെന്റ് ഏര്പ്പെടുത്തിയ വി. കൃഷ്ണന്, സുധ കൃഷ്ണന് എന്നിവരും പങ്കെടുത്തു.
പ്രതികരിക്കാൻ ഇവിടെ എഴുതുക: