അബൂജ: ഗ്രേറ്റര് നോയ്ഡയില് നൈജീരിയന് വിദ്യാര്ത്ഥികളെയും പൗരന്മാരെയും ആക്രമിച്ച സംഭവത്തില് അടിയന്തര നടപടി സ്വീകരിക്കണമെന്ന് നൈജീരിയ. അക്രമികളെ ഉടന് അറസ്റ്റ് ചെയ്ത് നടപടികള് സ്വീകരിക്കണമെന്ന് നൈജീരിയ കേന്ദ്ര സര്ക്കാറിനോട് ആവശ്യപ്പെട്ടു.
നൈജീരിയയിലെ ഇന്ത്യന് ഹൈകമീഷണര് നാഗഭൂഷന് റെഡ്ഡിയെ വിളിച്ചുവരുത്തിയാണ് നൈജീരിയന് വിദേശകാര്യ സെക്രട്ടറി ഒലുഷോല ഇനികനോലെയ്യ നടപടി ആവശ്യപ്പെട്ടത്.
‘ഇത് ആദ്യാമായല്ല മുൻപും നൈജീരിയക്കാര്ക്കെതിരെ ഇന്ത്യയില് അതിക്രമം നടന്നിട്ടുണ്ട്. ഇൗ സംഭവത്തില് അക്രമികള് അറസ്റ്റിലാവുന്നത് കാണണമെന്നാണ് ആഗ്രഹം- നൈജീരിയന് വിദേശകാര്യ സെക്രട്ടറി ഒലുഷോല പറഞ്ഞു’.
നൈജീരിയന് പൗരന്മാരെ ഉപദ്രവിക്കുകയും മര്ദിക്കുകയും ഗുരുതരമായി പരിക്കേല്പിക്കുകയും ചെയ്തത് ആശങ്കയോടെയാണ് കാണുന്നത്. ഇന്ത്യയും നൈജീരിയയും തമ്മിലുള്ള ബന്ധം പരിഗണിക്കുമ്പോൾ ഇങ്ങനെയുള്ള ആക്രമണങ്ങള് ഉണ്ടാകരുത്. അക്രമികള്ക്കെതിരെ സ്വീകരിക്കുന്ന പ്രോസിക്യൂഷന് നടപടികള് ഭാവിയിലുണ്ടാകാനിടയുള്ള അതിക്രമങ്ങളെ തടയുന്ന തരത്തിലുള്ളതായിരിക്കണമെന്നും അേദ്ദഹം ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: