കൊച്ചി: ഭാരതീയ വിചാരകേന്ദ്രം ഡയറക്ടര് പി. പരമേശ്വരന്റെ നവതിയാഘോഷങ്ങള്ക്ക് നാളെ തുടക്കം. രണ്ടാം ദിവസത്തെ സമാദരണ സഭയില് കേന്ദ്ര ആഭ്യന്തരമന്ത്രി രാജ്നാഥ് സിങ് മുഖ്യാതിഥിയാകും.
നാളെ രാവിലെ 10ന് കലൂര് എ.ജെ. ഹാളില് നാളന്ദ സര്വകലാശാല ചാന്സലര് പ്രൊഫ. വിജയ് ഭട്കര് നവതിയാഘോഷം ഉദ്ഘാടനം ചെയ്യും. തുടര്ന്ന് ‘ദേശീയത : മാറുന്ന കാഴ്ചപ്പാടുകളും വെല്ലുവിളികളും’ , ‘വികസനം-പരിസ്ഥിതി’ എന്നീ വിഷയങ്ങളില് സെമിനാര്.
പ്രമുഖ ചിന്തകന് എസ്. ഗുരുമൂര്ത്തി മുഖ്യപ്രഭാഷണം നടത്തും. സംസ്ഥാന ജൈവവൈവിധ്യ ബോര്ഡംഗം ഡോ.വി.എസ്.വിജയന്, കേന്ദ്ര ധനമന്ത്രാലയം പ്രിന്സിപ്പല് സാമ്പത്തിക ഉപദേഷ്ടാവ് ഡോ. സഞ്ജീവ് സന്യാല് എന്നിവര് സംസാരിക്കും. പുനെ ഫെര്ഗൂസന് കോളേജ് പ്രൊഫസര് ഡോ. പ്രസന്ന ദേശ്പാണ്ഡേ, മുന് കേന്ദ്രമന്ത്രി ഡോ. സഞ്ജയ് പസ്വാന്, ഓര്ഗനൈസര് വാരിക എഡിറ്റര് പ്രഫുല്ല കേത്കര് എന്നിവര് പങ്കെടുക്കും.
ഞായറാഴ്ച എളമക്കര ഭാസ്കരീയം കണ്വെന്ഷന് സെന്ററില് വൈകിട്ട് നാലിന് നടത്തുന്ന സമാദരണ സഭയിലാണ് രാജ്നാഥ് സിങ് മുഖ്യാതിഥിയാകുന്നത്. നവതിയാഘോഷ സമിതി ചെയര്മാന് റിട്ട. ജസ്റ്റീസ് കെ.ടി. തോമസ് ആധ്യക്ഷ്യം വഹിക്കും. ആര്എസ്എസ് സഹസര്കാര്യവാഹ് ഡോ. കൃഷ്ണഗോപാല്, ചിന്മയമിഷനിലെ സ്വാമി വിവിക്താനന്ദ സരസ്വതി, രാജ്യസഭാംഗം എം.പി. വീരേന്ദ്രകുമാര്, മുന് ചീഫ് സെക്രട്ടറി ഡോ.ഡി. ബാബുപോള്, വിവേകാനന്ദ വേദിക് വിഷന് ഫൗണ്ടേഷന് ചെയര്പേഴ്സണ് ഡോ.എം. ലക്ഷ്മികുമാരി, അമൃതാനന്ദമയി മഠത്തിലെ സ്വാമി അമൃതകൃപാനന്ദപുരി, ആര്എസ്എസ് പ്രാന്ത സംഘചാലക് പി.ഇ.ബി. മേനോന്, ഡോ. റിച്ചാര്ഡ് ഹേ എം.പി. തുടങ്ങിയവര് സംസാരിക്കും.
നവതിയാഘോഷങ്ങളുടെ ഭാഗമായി ഒക്ടോബര് വരെ വിപുല പരിപാടികളാണ് സംസ്ഥാന വ്യാപകമായി സംഘടിപ്പിച്ചിരിക്കുന്നത്. ദേശീയ, അന്തര്-ദേശീയ സെമിനാറുകള്, ഗീതാവിചാര സത്രം, യുവജന-വനിത സമ്മേളനം, ഏകാത്മ മാനവ ദര്ശന വിചാര സത്രങ്ങള്, പി. പരമേശ്വരന്റെ സമ്പൂര്ണ കൃതികളുടെ പ്രസിദ്ധീകരണം തുടങ്ങിയവ ഭാഗമാണ്.
പ്രതികരിക്കാൻ ഇവിടെ എഴുതുക: