ദേശീയ-സംസ്ഥാന പാതയോരങ്ങളില് മദ്യശാലകള്ക്ക് നിരോധനം ഏര്പ്പെടുത്തിയ സുപ്രീം കോടതി നടപടിയെ രൂക്ഷമായി വിമര്ശിച്ച് ഗതാഗതമന്ത്രി തോമസ് ചാണ്ടി ചോദിക്കുന്നു ‘ഏത് മണ്ടന് പറഞ്ഞിട്ടാണ് മദ്യശാലകള്ക്ക് സുപ്രീംകോടതി വിലക്കേര്പ്പെടുത്തിയത്’ എന്ന്. അദ്ദേഹത്തിന്റെ മന്ത്രിപദവിക്കു നിരക്കാത്തതും പ്രതിഷേധാര്ഹവുമായ സമീപനമാണിത്.
ഹണി ട്രാപ്പില് കുടുങ്ങി മന്ത്രി സ്ഥാനം നഷ്ടപ്പെട്ട സഹപ്രവര്ത്തകന് ഇട്ടിട്ടുപോയ കസേരയില് കയറിയിരുന്ന് കൂടുതല് വിവരക്കേട് എഴുന്നള്ളിച്ച് ചാണ്ടിക്കും പുറത്തുപോകേണ്ടി വന്നാല് മന്ത്രിക്കസേരയില് ഇരിക്കാന് പാവപ്പെട്ടവരുടെ കോണ്ഗ്രസ് പാര്ട്ടിയില് ഇനി ആളില്ലെന്നു മനസ്സിലാക്കണം.
പാതയോരത്തെ മദ്യവ്യാപാരം തടഞ്ഞതുപോലെ തോടും കായലും മലിനപ്പെടുത്തുന്ന കായലിറമ്പത്തുള്ള മദ്യഷാപ്പുകളും ഹൗസ് ബോട്ടു ഷാപ്പുകളും പൂട്ടാനുള്ള ഉത്തരവുകളാണ് അടുത്തതായി സുപ്രീം കോടതിയുടെ ഭാഗത്തുനിന്ന് ഉണ്ടാകേണ്ടത്.
കെ.എ. സോളമന്
എസ്. എല്.പുരം
അഴിമതിയുടെ സ്വയംഭരണം
അറുപത്തിയൊന്ന് സര്ക്കാര് വകുപ്പുകളിലെ അഴിമതിയില് ഒന്നാമന് തദ്ദേശസ്ഥാപനങ്ങളാണെന്ന് വിജിലന്സ്? അസഹനീയമായ അഴിമതി പല വകുപ്പുകളിലും വച്ചുപൊറുപ്പിക്കാന് പറ്റാതായിരിക്കുന്നു? പോലീസ് വകുപ്പ് ഏഴാം സ്ഥാനത്തും വിജിലന്സ് 56-ാം സ്ഥാനത്തും എത്തിനില്ക്കുന്നുവെന്ന്! അധികാരത്തിന്റെ ഏറ്റവും ജനാധിപത്യപരമായ ഉറവിടം ഒരിക്കലും വീഴാതിരിക്കുന്നതിലല്ല, പിന്നെയും എഴുന്നേല്ക്കുന്നതിലാണ്.
വടക്കേതില് വിനോദ് കുമാര്,
നറുകര, മലപ്പുറം
പ്രതികരിക്കാൻ ഇവിടെ എഴുതുക: