എടമുട്ടം: ആല്ഫ പാലിയേറ്റീവ് കെയര് ഒരുക്കിയ വേദിയില് മൂന്നു നിര്ദ്ധന യുവതികള്ക്ക് മാംഗല്യഭാഗ്യം. മാതാപിതാക്കളില് ഒരാള് കിടപ്പിലായി സാമ്പത്തികവിഷമത്തിലായ കുടുംബങ്ങളിലെ യുവതികളെയാണ് സുമനസുകളെ സാക്ഷിയാക്കിവരന്മാര് താലിചാര്ത്തിയത്. എടമുട്ടം ആല്ഫ ഓഡിറ്റോറിയത്തില് മതപരമായ ചടങ്ങുകളോടെയായിരുന്നു മിന്നുകെട്ട്. കോരോട്ട് വീട്ടില് പരേതനായ സത്യന്റെ മകള് സജ്നയ്ക്ക് പൊഞ്ഞനം കൊടുങ്ങൂക്കാരന് വീട്ടില് ബാബുവിന്റെ മകന് കെ.ബി. മണികണ്ഠന് മിന്നു ചാര്ത്തി. എടതിരിഞ്ഞി പടത്തൂപറമ്പില് വീട്ടില് പരേതനായ ബാലന്റെ മകള് പി.ബി. സജിതയെ കാവില്ക്കടവ് വട്ടപ്പറമ്പില് വീട്ടില് വി.ആര്. രാജുവിന്റെ മകന് സുധീഷ്കുമാര് വിവാഹംചെയ്തു. പുല്ലൂര് വെളിയത്ത് വീട്ടില് പരേതനായ മണിയുടെ മകള് ഹേമലതയ്ക്ക് അഷ്ടമിച്ചിറ ചെങ്കുളം വീട്ടില് വേലായുധന്റെ മകന് സി.വി. അറുമുഖന് വരനായി. ആല്ഫ ചെയര്മാന് കെ.എം നൂര്ദ്ദീന്റെ നേതൃത്വത്തില് നടന്ന ചടങ്ങുകളില് ഇന്നസെന്റ് എംപി, സണ് ഇന്റര്നാഷണല് ഗ്രൂപ്പ് ചെയര്മാന് ഡോ. ടി.എ. സുന്ദര്മേനോന്, ജില്ലാപഞ്ചായത്തംഗം മഞ്ജുള അരുണന്, ഡോ.കെ.കെ. മോഹന്ദാസ്, ക്യാപ്റ്റന് വിവേക് ബാലി എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: