ഇരിങ്ങാലക്കുട: നഗരസഭ ഒമ്പതാം വാര്ഡില് നമ്പ്യങ്കാവ് – ആനന്ദപുരം റോഡില് അനധികൃത മണ്ണെടുപ്പ് ബി ജെ പി പ്രവര്ത്തകര് ഇടപെട്ട് തടഞ്ഞു. മുന് പഞ്ചായത്തു മെമ്പറും കോണ്ഗ്രസ് നേതാവുമായ റോയി പൊറുത്തൂക്കാരന്റെ സ്ഥലത്താണ് അനധികൃതമായി മണ്ണെടുപ്പ് നടന്നത്.
നമ്പ്യങ്കാവ് നിന്ന് ആനന്ദപുരത്തേയ്ക്ക് പോകുന്ന ബണ്ട് റോഡിനു സമീപത്താണ് മണ്ണെടുപ്പ് നടന്നിട്ടുള്ളത്. റോഡിന് അരികില് നിന്ന് മൂന്ന് മീറ്റര് അകലെ മാത്രം നിര്മ്മാണ പ്രവര്ത്തനങ്ങള് പാടുള്ളു എന്ന നിയമം കാറ്റില് പറത്തിയാണ് മണ്ണെടുപ്പ് നടന്നിട്ടുള്ളത്. വളരെയേറെ താഴ്ത്തി മണ്ണെടുത്തതുമൂലം മഴക്കാലത്ത് വെള്ളം നിറഞ്ഞ് ബണ്ട് റോഡ് ഇടിഞ്ഞേക്കുമെന്ന ആശങ്കയിലാണ് ജനങ്ങളെന്ന് വാര്ഡ് കൗണ്സിലര് രമേഷ് വാര്യര് പറഞ്ഞു.
മുന് കൗണ്സിലറായ കോണ്ഗ്രസ് നേതാവിന്റെ ഗുണ്ടായിസവും ഭീഷണിപ്പെടുത്തലും ജനങ്ങളോട് കാണിക്കുന്ന ധാര്ഷ്ട്യവും ഒരു കാരണവശാലും അംഗീകരിക്കുന്ന പ്രശ്നമില്ലെന്ന് ബിജെപി മുനിസിപ്പല് പ്രസഡണ്ട് വി.സി. രമേഷ് പറഞ്ഞു.
ബൂത്ത് പ്രസിഡന്റ് സുഭാഷ് കെ വി, ശ്രീനാഥ് നമ്പ്യാങ്കാവ്, നിതിന് കുട്ടന്, രനൂപ്, രാജു ഇത്തിക്കുളം, മഹേഷ് മുരിയാട് എന്നിവരും പ്രതിഷേധത്തിന് നേതൃത്വം നല്കി.
പ്രതികരിക്കാൻ ഇവിടെ എഴുതുക: