കാലടി: കാലടി ശ്രീകൃഷ്ണസ്വാമിക്ഷേത്രത്തിലെ അക്ഷയതൃതീയ കനകധാരാ യജ്ഞം നാളെ മുതല് 30 വരെ ആഘോഷിക്കും. തന്ത്രി കിടങ്ങാശേരി രാമന് നമ്പൂതിരി യജ്ഞാചാര്യന് ആവണപ്പറമ്പ് പ്രദീപ് നമ്പൂതിരി, മേല്ശാന്തി വെമ്പിളിയത്ത് സൂരജ് നമ്പൂതിരി എന്നിവരുടെ കാര്മികത്വത്തില് 32 ബ്രാഹ്മണര് യജ്ഞമണ്ഡപത്തില് 10,008 ഉരുകനകധാരാ സ്തോത്രം ചൊല്ലും. ഡോ. ഹോരക്കാട്ട് കൃഷ്ണന് നമ്പൂതിരി ആദ്യ ഉരു ചൊല്ലി കൊടുക്കുന്നതോടെ യജ്ഞം ആരംഭിക്കും. 28ന് രാവിലെ 9ന് ജപം പൂര്ത്തിയാക്കും. ലക്ഷ്മീ നാരായണ വിഗ്രഹത്തില് സ്വര്ണ്ണം, വെള്ളി നെല്ലിക്കകള് അഭിഷേകം നടത്തി ഭക്തര്ക്ക് നല്കും. ശ്രീശങ്കര ജയന്തി ദിനമായ 30ന് രാവിലെ കുടുംബൈശ്വര്യത്തിനായി നടത്തുന്ന സുകൃത ഹോമം നടക്കുമമെന്ന് ക്ഷേത്രം മാനേജിംങ്ങ് ട്രസ്റ്റി കാര്പ്പിള്ളി ശ്രീകുമാര് നമ്പൂതിരി പറഞ്ഞു. ജയന്തി ദിവസം വൈകിട്ട് 32 അമ്മമാര്ക്ക് വസ്ത്രവും ഫലങ്ങളും നല്കി മാതൃപഞ്ചകം ചൊല്ലി വന്ദനം അര്പ്പിക്കും. തുടര്ന്ന് ഭക്തിപ്രഭാഷണവും ഉണ്ടാകും.
പ്രതികരിക്കാൻ ഇവിടെ എഴുതുക: