ജര്മ്മനി: ജര്മ്മനിയില് ഭാഗികമായി ബുര്ഖ നിരോധിച്ചു. സുരക്ഷാ നടപടികള് ശക്തിപ്പെടുത്തുന്നതിന്റെ മുന്നോടിയായാണ് നിരോധനം. നിരോധനം വ്യാഴാഴ്ച പ്രാബല്യത്തില് വന്നു. ഇതനുസരിച്ച് ഇനി പൊതുസ്ഥലങ്ങളില് സ്ത്രീകള് ബുര്ഖ ധരിച്ച് എത്താന് പാടില്ല.
പൊതു സ്ഥലങ്ങളില് ബുര്ഖയും മറ്റും കര്ശനമായി നിരോധിക്കണമെന്ന് റൈറ്റ് വിങ് പാര്ട്ടി അഭിപ്രായപ്പെട്ടിരുന്നു. തെരഞ്ഞെടുപ്പ് ഉദ്യോഗസ്ഥര്, സൈനിക, ജുഡീഷ്യല് ഉദ്യോഗസ്ഥര് ഉള്പ്പെടെയുള്ള പൊതു സേവകര്ക്ക് നിരോധനം ബാധകമായിരിക്കും.
മറ്റ് യൂറോപ്യന് യൂണിയന് രാജ്യങ്ങളെ വച്ച് നോക്കുമ്പോള് മുസ്ലീം വ്യക്തി സ്വാതന്ത്ര്യത്തിന്റെ കാര്യത്തില് ജര്മനിയായിരുന്നു മെച്ചം. അവിടെ വസ്ത്രധാരണത്തില് ഒരു നിയന്ത്രണവും നേരത്തെ ഉണ്ടായിരുന്നില്ല. എന്നാല് അടുത്തിടെയുണ്ടായ ആക്രമണങ്ങള് ജര്മ്മന് ഭരണകൂടത്തെ മാറ്റി ചിന്തിപ്പിച്ചു.
ഫ്രാന്സ്, ബെര്ജിയം, നെതര്ലാന്ഡ്സ് തുടങ്ങിയ രാഷ്ട്രങ്ങളില് നേരത്തേ ബുര്ഖ നിരോധനം വന്നിരുന്നു. എന്നാല് സൗദി അറേബ്യ പോലുള്ള രാജ്യങ്ങളില് സ്ത്രീകള് ബുര്ഖ ധരിയ്ക്കാതെ പുറത്തിറങ്ങുന്നത് പോലും കുറ്റകരമാണ്.
പ്രതികരിക്കാൻ ഇവിടെ എഴുതുക: