മട്ടന്നൂര്: മട്ടന്നൂര് കോഓപ്പറേറ്റീവ് റൂറല് ബേങ്കിന്റെ കണ്ണൂര് റോഡരികില് പണിത ഹെഡ് ഓഫീസ് ബില്ഡിംഗ് കോംപ്ലക്സി ന്റെ ഉദ്ഘാടനം മുന് മുഖ്യമന്ത്രി ഉമ്മന് ചാണ്ടി നിര്വ്വഹിച്ചു. ബേങ്ക് പ്രസിഡണ്ട് കെ.പി.പ്രഭാകരന് മാസ്റ്റര് അധ്യക്ഷത വഹിച്ചു. ചടങ്ങില് ബേങ്ക് അംഗങ്ങളില് വിവിധ മേഖലയില് കഴിവ് തെളിയിച്ച ആസ്ത്രേലിയയിലെ ഇന്ത്യന് ഡപ്യൂട്ടി ഹൈക്കമ്മീഷണര് എ.അജയ്കുമാര്, പദ്മശ്രീ മട്ടന്നൂര് ശങ്കരന് കുട്ടി ,ദേശീയ അവാര്ഡ് ജേതാവ് സലിം അഹമ്മദ്, അര്ജ്ജുന അവാര്ഡ് ജേതാവ് കായിക താരം ടിന്റു ലൂക്ക എന്നിവരെ ഉമ്മന് ചാണ്ടി ആദരിച്ചു. കോര് ബേങ്കിന്റെ ഉദ്ഘാടനം മുന് മന്ത്രി കെ.സുധാകരനും, ലോഗോ പ്രകാശനം ഇ.പി.ജയരാജന് എം.എല്.എ.യും നിര്വ്വഹിച്ചു. ഓഡിറ്റോറിയം, ഷോപ്പിംഗ് കോംപ്ലക്സ്, ട്രെയിനിംഗ് ഹാള് എന്നിവയുടെ ഉദ്ഘാടനം യഥാക്രമം അഡ്വ.സണ്ണി ജോസഫ് എം.എല്.എ ,നഗരസഭ ചെയര്മാന് കെ.ഭാസ്കരന് മാസ്റ്റര് ,സഹകരണ സംഘം ജോയിന്റ് ഡയറക്ടര് എം വിജയന് എന്നിവര് നിര്വ്വഹിച്ചു.മുന് എം.എല്.എ.പ്രൊഫസര് എ.ഡി.മുസ്തഫ, മമ്പറം ദിവാകരന്, പി.വി.ധനലക്ഷ്മി, പി.കുഞ്ഞുമുഹമ്മദ് ,വി.എന്.മുഹമ്മദ്, പി .കെ .രാജീവന്, പി.പി.ജലീല് തുടങ്ങിയവര് സംസാരിച്ചു.ബേങ്ക് സെക്രട്ടറി ബാലകൃഷ്ണന് പന്നിയോടന് സ്വാഗതവും വൈസ് പ്രസിഡണ്ട് രാഘവന് കാഞ്ഞരോളി നന്ദിയും പറഞ്ഞു .
പ്രതികരിക്കാൻ ഇവിടെ എഴുതുക: