കുന്ദമംഗലം: കരാര് തൊ ഴിലാളികള്ക്ക് വര്ദ്ധിപ്പിച്ച വേതനവും ബോണസ്സും നല്കണമെന്ന് സെക്യൂരിറ്റി ആന്ഡ് അദര് കോണ്ട്രാക്ട് മസ്ദൂര് സംഘം-ബിഎംഎസ് വാര്ഷിക സമ്മേളനം ആവശ്യപ്പെട്ടു.
കേന്ദ്ര സര്ക്കാര് രാജ്യ ത്തെ കരാര് തൊഴിലാളികളുടെ മിനിമം വേതനവും, ബോണസ്സും വര്ദ്ധിപ്പിച്ച് ഉത്തരവ് പുറപ്പെടുവിച്ചെങ്കിലും, സാങ്കേതിക കാരണങ്ങള് ഉന്നയിച്ചുകൊണ്ട് ചില സ്ഥാപനങ്ങളും ഉദ്യോഗസ്ഥ മേധാവികളും അവ നടപ്പാക്കുന്നതിന് വിമുഖത കാണിക്കുകയാണ്. എത്രയും വേഗത്തില് വര്ദ്ധിപ്പിച്ച വേതനവും ബോണസ്സും കുടിശ്ശിക സഹിതം ലഭ്യമാക്കണം.
പൊതുമേഖലാ സ്ഥാപനങ്ങളിലെ സ്ഥിരം സ്വഭാവമുള്ള ജോലികള് കരാര് നല്കുന്ന സമ്പ്രദായം നിര്ത്തലാക്കുകയും കരാര് തൊഴിലാളികളെ സ്ഥിരപ്പെടുത്തുകയും ചെയ്യണമെന്നും സമ്മേളനം മറ്റൊരു പ്രമേയത്തിലൂടെ ആവശ്യപ്പെട്ടു.
വ്യാപാര ഭവനില് ചേര്ന്ന ജില്ലാ പ്രതിനിധി സമ്മേളനം ബിഎംഎസ് ജില്ലാ ജോയിന്റ് സെക്രട്ടറി പി. പരമേശ്വരന് ഉദ്ഘാടനം ചെയ്തു. യൂണിയന് പ്രസിഡന്റ് ടി. വിജയന് അദ്ധ്യക്ഷത വഹിച്ചു. ജനറല് സെക്രട്ടറി ഇ. ദിവാകരന് പ്രവര്ത്തന റിപ്പോര്ട്ടും, ട്രഷറര് എം.സി. ഷാജി വരവ് ചെലവ് കണക്കുകളും അവതരിപ്പിച്ചു.
ബിഎംഎസ് ജില്ലാ വൈസ് പ്രസിഡന്റ് റീനാ സഹദേവന്, മേഖലാ പ്രസിഡന്റ് കെ.എം. ചന്ദ്രന്, സെക്രട്ടറി സുനില്കുമാര്, കെ. കെ. ഗോപിനാഥന്, പി. കൃഷ്ണദാസ് എന്നിവര് സംസാരിച്ചു. സമ്മേളനത്തോടനുബന്ധിച്ച് സംഘടിപ്പിച്ച കുടുംബ സംഗമത്തില് വിവിധ കലാപരിപാടികള് അവതരിപ്പിച്ചു. ഗിരീശന്, പ്രകാശന്, സുധ, സുശീല അനന്തകൃഷ്ണന്, വിജിലാഷ് എന്നിവര് പരിപാടികള്ക്ക് നേതൃത്വം നല്കി.
ഭാരവാഹികളായി ടി. വിജയന് (പ്രസിഡന്റ്), എം.ടി. സദാനന്ദന്, പി. കൃഷ്ണന്കുട്ടി നായര്, എം. സുശീല, പി. കോമള (വൈസ് പ്രസിഡന്റുമാര്), ഇ. ദിവാകരന് (ജനറല് സെക്രട്ടറി), കെ. കെ. ഗോപിനാഥന്, എ. രാമചന്ദ്രന്, എ.പി. ഷിബു, പി.യു. റീത്ത, ടി.സി. ഷീബ (സെക്രട്ടറിമാര്),എം.സി. ഷാജി (ട്രഷറര്) എന്നിവരെ തെരഞ്ഞെടുത്തു.
പ്രതികരിക്കാൻ ഇവിടെ എഴുതുക: