തൃശൂര്: ഭാരതത്തെ ഒന്നായി കണ്ട ആദിശങ്കരനെപ്പോലെ സിവില് സര്വീസ് ഉദ്യോഗസ്ഥര്ക്കും അതിന് കഴിയണമെന്ന് ദേവികുളം സബ് കളക്ടര് ഡോ. ശ്രീറാം വെങ്കിട്ടരാമന്. കേരള ബ്രാഹ്മണസഭ പൂങ്കുന്നം ജാനകീനാഥ് ഹാളില് സംഘടിപ്പിച്ച ശ്രീശങ്കരജയന്തി ആഘോഷം ഉദ്ഘാടനം ചെയ്ത് പ്രസംഗിക്കുകയായിരുന്നു ഡോ.ശ്രീറാം.
അദ്വൈത സിദ്ധാന്തത്തിന്റെ പ്രചാരകനും പ്രവാചകനുമായ ആദിശങ്കരാചാര്യരുടെ സന്ദേശങ്ങള് സാധാരണക്കാരില് എത്തിക്കുവാനുള്ള ഒരു സംരഭത്തിന് കേരള ബ്രാഹ്മണസഭ പോലുള്ള സാസ്കാരിക സംഘടനകള് മുന്നോട്ടുവരണമെന്ന് ശ്രീറാം നിര്ദ്ദേശിച്ചു.
കേരള ബ്രാഹ്മണസഭ ജില്ലാ പ്രസിഡന്റ് എസ്. ശിവരാമകൃഷ്ണന് അധ്യക്ഷത വഹിച്ച ചടങ്ങില് സംസ്ഥാന പ്രസിഡന്റ് കരിമ്പുഴ രാമന്, സെക്രട്ടറി എന്.വി ശിരാമകൃഷ്ണന്, ജോ. സെക്രട്ടറി, ജോ. സെക്രട്ടറി എന്.ആര് പരമേശ്വരന്, ട്രഷറര് കെ.വി വാസുദേവന്, ജില്ലാ സെക്രട്ടറി മൂര്ത്തി, ടൗണ് യൂണിറ്റ് സെക്രട്ടറി ടി.എസ് വിശ്വനാഥയ്യര്, രക്ഷാധികാരി ടി.എസ് പട്ടാഭിരാമന് എന്നിവര് പ്രസംഗിച്ചു.
തുടര്ന്ന് ശങ്കരദര്ശനം എന്ന വിഷയത്തെക്കുറിച്ച് സാഹിത്യ അക്കാദമി മുന് സെക്രട്ടറി പി.വി കൃഷ്ണന് നായര് പ്രഭാഷണം നടത്തി.
പ്രതികരിക്കാൻ ഇവിടെ എഴുതുക: