കൂട്ടിക്കല്: കൂട്ടിക്കല് പോലീസ് ഔട്ട് പോസ്റ്റില് പോലീസില്ല,പകരം സാമൂഹ്യ വിരുദ്ധര് ആവശ്യത്തില് കൂടുതല്.
മുണ്ടക്കയം പോലീസ് സ്റ്റേഷന്റെ പരിധിയില് കൂട്ടിക്കലില് സഹായകേന്ദ്രം അനാഥമായത് മേഖലയില് സാമൂഹിക വിരുദ്ധര്ക്ക് പണി എളുപ്പമാക്കിയിരിക്കുകയാണ്. കൂട്ടിക്കല് പോലീസ് സഹായകേന്ദ്രത്തില് നാലു പോലീസുകാരും, ഒരു എഎസ്ഐയും സ്ഥിരമായിട്ടുണ്ടായിരുന്നു ഇവര്ക്ക് താമസിക്കുവാന് പോലീസ് ഔട്ട് പോസ്റ്റിനോടു ചേര്ന്നു മൂന്നു ക്വാര്ട്ടേഴ്സുകളുമുണ്ട്. ഇവ വര്ഷങ്ങളായി സാമൂഹിക വിരുദ്ധരുടെ താവളമായി മാറി.
നിരവധി കോളനികളടക്കമുള്ള മലയോരങ്ങള് നിറഞ്ഞ പഞ്ചായത്തില് കൂട്ടിക്കല് കേന്ദ്രീകരിച്ചു പോലീസ് സ്റ്റേഷന് സ്ഥാപിക്കമെന്ന അവശ്യത്തിനു ഏറെ പഴക്കമുണ്ട്.ഇതൊന്നും അധികാരികള് ചെവികൊണ്ടിട്ടില്ല. കൂട്ടിക്കല് പോലീസ് സഹായകേന്ദ്രത്തിലേയ്ക്ക് നിയമിക്കാനാവശ്യമായ ജോലിക്കാരെയും, നിരീക്ഷണത്തിനു ഫ്ളയിങ് സ്ക്വാഡിനെ മുണ്ടക്കയം പോലീസ് സ്റ്റേഷനു അനുവദിക്കുകയാണെങ്കില് കുട്ടിക്കല് പോലീസ് സഹായകേന്ദ്രത്തിനു പുനര്ജീവന് ലഭിക്കും. ഇതോടെ കുട്ടിക്കല് പഞ്ചായത്തിലെ പറത്താനം, വല്ലീറ്റ, പ്ലാപ്പള്ളി, വടക്കേമല, ചാത്തന്പ്ലാപ്പള്ളി, താളുങ്കല്, തേന്പുഴ, ഏന്തയാര്, ഇളങ്കാട്, കൊടുങ്ങ, മൂപ്പന്മല ഉള്പ്പെടെയുള്ള സ്ഥലങ്ങളില് പോലീസിന്റെ നോട്ടമെത്തും.
പ്രതികരിക്കാൻ ഇവിടെ എഴുതുക: