കാട്ടാക്കട: കാട്ടാക്കട മാര്ക്കറ്റ് നവീകരണത്തിന്റെ മറവില് ലക്ഷങ്ങളുടെ അഴിമതിയാണ് നടന്നിരിക്കുന്നതെന്നും ഇതിനെ കുറിച്ച് വിജിലന്സ് അന്വേഷണം വേണമെന്നും ബിജെപി ജില്ലാ വൈസ് പ്രസിഡന്റ് മുക്കം പാലമൂട് ബിജു ആവശ്യപ്പെട്ടു. ബിജെപി പൂവച്ചല്, വീരണകാവ് മേഖലാ കമ്മറ്റികളുടെ ആഭിമുഖ്യത്തില് കാട്ടാക്കട മാര്ക്കറ്റില് നടന്ന ധര്ണ്ണ ഉദ്ഘാടനം ചെയ്യുകയായിരുന്നു അദ്ദേഹം.
പഞ്ചായത്ത് ഭരണസമിതിയും കരാറുകാരനും ചേര്ന്ന് നടത്തിയിരിക്കുന്ന പകല്ക്കൊള്ള കഴിഞ്ഞ ദിവസം ‘ജന്മഭൂമി’ റിപ്പോര്ട്ട് ചെയ്തിരുന്നു.
ബിജെപി പൂവച്ചല് മേഖലാ പ്രസിഡന്റ് ആര്.എസ് ലാലു അദ്ധ്യക്ഷത വഹിച്ചു. മണ്ഡലം ജനറല് സെക്രട്ടറിമാരായ ജ്യോതികുമാര്, രഞ്ചിത്ത്, വൈസ് പ്രസിഡന്റ് സുദര്ശനന്, മഹിളാ മോര്ച്ച സംസ്ഥാന സെക്രട്ടറി ശ്രീജ സുദര്ശനന്, മണ്ഡലം പ്രസിഡന്റ് ശ്രീകല, ബിജെപി വീരണകാവ് മേഖല പ്രസിഡന്റ് എസ്. സുനില്കുമാര്, ജനറല് സെക്രട്ടറിമാരായ ജയകുമാര്, അഭിലാഷ്, പഞ്ചായത്ത് മെമ്പര്മാരായ ബിന്ദു രാജേന്ദ്രന്, രേണുക, ബീന തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: