ഓരോ ദിവസവും റോഡുകളില് പൊലിയുന്ന ജീവനുകള്ക്ക് കണക്കില്ല. വാഹനം ഓടിക്കുന്നവരുടെ അശ്രദ്ധ, റോഡുകളുടെ നിലവാരമില്ലായ്മ, വാനഹങ്ങളുടെ പെരുപ്പം, മദ്യപിച്ചുള്ള വാഹനമോടിക്കല് തുടങ്ങിയ ഒട്ടേറെ കാരണങ്ങളുണ്ട് അപകടങ്ങളുണ്ടാകാന്.
പക്ഷേ, ഇതിനൊക്കെ അപ്പുറം വാഹനങ്ങളുടെ നിര്മ്മിതിയിലെ പോരായ്മകളും അപകടങ്ങള്ക്ക് കാരണമാകുന്നുണ്ട്. വാഹന നിര്മ്മിതിയില് നേരിട്ടു നല്കാനാകാത്ത ചില സുരക്ഷാ സംവിധാനം ഒരുക്കുന്ന വിദ്യയാണ് ആന്റി ലോക്ക് ബ്രേക്കിങ് സിസ്റ്റം എന്നറിയപ്പെടുന്ന എബിഎസ്. ബ്രേക്ക് പിടിക്കുമ്പോള് ചക്രങ്ങള് ലോക്കായി പലപ്പോഴും വാഹനങ്ങള് തെന്നിമറിയാറുണ്ട്. നല്ല വേഗതയില് പോകുന്ന വാഹനം ബ്രേക്ക് ചെയ്യുമ്പോള് എല്ലാ ചക്രങ്ങളും ഒന്നിച്ച് സ്ലോ ആകാറില്ല.
ചില ചക്രങ്ങള് കറങ്ങാതെ ലോക്കായിപ്പോകാറുണ്ട്. ഈ അവസ്ഥയ്ക്ക് പരിഹാരം കാണാനാണ് എബിഎസ്. ചക്രങ്ങളില് ഘടിപ്പിച്ചിട്ടുള്ള സ്പീഡ് സെന്സറുകള് എല്ലാ ചക്രങ്ങളുടെയും വേഗം കണക്കാക്കും. ഏതെങ്കിലുമൊരു ചക്രം കറങ്ങാതിരിക്കുകയോ ലോക്കാകുകയോ ചെയ്താല് എബിഎസിന്റെ കണ്ട്രോള് യൂണിറ്റ് പ്രവര്ത്തനക്ഷമമായി എല്ലാ ചക്രങ്ങളുടെയും വേഗം ഒരുപോലെയാക്കും. ഇതുവഴി അപകടം ഒഴിവാക്കാനാകും.
വിദേശ രാജ്യങ്ങളില് പലയിടത്തും നേരത്തെ തന്നെ എബിഎസ് എന്ന സുരക്ഷാ സംവിധാനമുണ്ടായിരുന്നു. ഇവിടെ ആഡംബര വാഹനങ്ങളിലും ചെറിയ വിലകൂടിയ കാറുകളിലും മാത്രമായിരുന്നു എബിഎസ്. എന്നാല്, റോഡ് സുരക്ഷയെ കരുതി കേന്ദ്ര റോഡ് ഗതാഗത മന്ത്രാലയം എബിഎസ് നിര്ബന്ധമാക്കുന്നുണ്ട്. അതിനാല്, ഇപ്പോള് പല വാഹന നിര്മ്മാതാക്കളും എബിഎസ് സംവിധാനം ഒരുക്കിത്തുടങ്ങിയിട്ടുണ്ട്. അതുകൊണ്ട് വാഹനം വാങ്ങുന്നവര് ഇനി എബിഎസ് ഉറപ്പാക്കുക.
പ്രതികരിക്കാൻ ഇവിടെ എഴുതുക: