ശ്രീകാര്യം: ചെറുവയ്ക്കല്, നമ്പിക്കല് പ്രദേശങ്ങളില് മോഷണവും സാമൂഹ്യവിരുദ്ധ ശല്യവും രൂക്ഷം. നമ്പിക്കല് ശ്രീകൃഷ്ണസ്വാമി ക്ഷേത്രത്തിന് സമീപം കുറുങ്കരക്കോണം റോഡിലെ നാലോളം വീടുകളില് കഴിഞ്ഞ ഒരാഴ്ചയ്ക്കുള്ളില് രാത്രിയില് മോഷണശ്രമം നടന്നിരുന്നു. വീട്ടുകാര് ഉണര്ന്ന് ലൈറ്റിട്ടപ്പോള് മോഷ്ടാക്കള് ഓടി രക്ഷപ്പെടുകയായിരുന്നു.
കുറുങ്കരക്കോണം റോഡിന് എതിര്വശത്തുള്ള ആയുര്വേദ ഡിസ്പെന്സറി റോഡിലും മോഷണവും സാമൂഹ്യവിരുദ്ധ ശല്യവും രാത്രികാലങ്ങളില് പതിവാണ്.കൂടാതെ വീടുകള്ക്ക് മുന്നില് പാര്ക്കു ചെയ്തിരിക്കുന്ന വാഹനങ്ങളില് നിന്ന് പെട്രോള് ഊറ്റുക, ടൂവീലറുകളില് നിന്ന് ഹെല്മറ്റുകള് കവരുക, വാഹനങ്ങള് കേടു വരുത്തുക തുടങ്ങിയ അതിക്രമങ്ങളും കാരണം പൊറുതിമുട്ടിയ അവസ്ഥയിലാണ് നാട്ടുകാര്. കഴിഞ്ഞദിവസം ആയുര്വേദ ഡിസ്പെന്സറിക്ക് സമീപത്തെ നമ്പിക്കല് ലക്ഷം വീട് കോളനിയില് അക്രമികള് എട്ടോളം വാഹനങ്ങള് അടിച്ചു തകര്ത്തിരുന്നു. മോഷണങ്ങള്ക്ക് പിന്നില് അന്യസംസ്ഥാന തൊഴിലാളികളാണെന്നാണ് നാട്ടുകാര് പറയുന്നത്. മുമ്പ് ഈ മേഖലയില് പോലീസ് പട്രോളിംഗ് ഉണ്ടായിരുന്നത് നിര്ത്തലാക്കിയതാണ് പ്രശ്നങ്ങള്ക്ക് കാരണമെന്നാണ് നമ്പിക്കല് റസിഡന്റ്സ് അസോസിയേഷന് ഭാരവാഹികള് പറയുന്നത്.
പ്രതികരിക്കാൻ ഇവിടെ എഴുതുക: