കൊല്ലം: സ്ത്രീകളുടെ സുരക്ഷയെ മുന്നിര്ത്തി കൊല്ലം നഗരത്തില് പോലീസ് പരിശോധന കര്ശനമാക്കി. കൊല്ലം സബ് ഡിവിഷനിലെ മുഴുവന് വനിതാ പോലീസ് ഉദേൃാഗസ്ഥരെയും ഉള്പ്പെളടുത്തിയാണ് സിറ്റി പോലീസ് പരിശോധന നടത്തിയത്. കൊല്ലം കെഎസ്ആര്ടിസി ഡിപ്പോ, ജില്ലാ ആശുപത്രി പരിസരം, കൊല്ലം ബീച്ച്, അഡ്വഞ്ചര് പാര്ക്ക്, റെയില്വെ സ്റ്റേഷന്, കോളേജ് ജങ്ഷന് പരിസരം തുടങ്ങിയ സ്ഥലങ്ങള് കേന്ദ്രീകരിച്ച് മഫ്ത്തിയില് വനിതാ പോലീസ് ഉദ്യോഗസ്ഥരെ നിയോഗിച്ച് പരിശോധന നടത്തിയത്തില് സ്ത്രീകളെ ശല്യം ചെയ്തതിനും, മറ്റുമായി 20 പേരെ പോലീസ് കസ്റ്റഡിയിലെടുത്തു. തുടര്ന്നും കൊല്ലം നഗരത്തിലെ വിവിധ സ്ഥലങ്ങള് കേന്ദ്രീകരിച്ച് പരിശോധന കര്ശനമാക്കി സ്ത്രീകളെ ശല്യം ചെയ്യുകയും മറ്റും ചെയ്യുന്നവര്ക്കെതിരെ നിയമ നടപടികള് സ്വീകരിക്കുമെന്നു പോലീസ് അറിയിച്ചു.
പ്രതികരിക്കാൻ ഇവിടെ എഴുതുക: