ബെര്ലിന്: ഓഡിയോ ഫയല് രംഗത്ത് വിപ്ലവകരമായ മാറ്റം സൃഷ്ടിച്ച എംപി3 ഫോര്മാറ്റ് ഔദ്യോഗികമായി വിടപറഞ്ഞു. എംപി3ക്ക് പകരം പുതിയ ഫോര്മാറ്റ്ആയ എഎസി കടന്നു വരുന്നതിന്റെ മുന്നോടിയായാണ് എംപി3യുടെ പിന്മാറ്റം.
ലോകത്ത് ഓഡിയോ ഫയലുകള്ക്ക് ഏറ്റവും യോജിച്ച ഫോര്മാറ്റ് ആയാണ് എംപി3 കടന്നുവന്നതും പ്രചാരത്തിലായതും. ഫ്രോണ്ഹോഫര് ഇന്സ്റ്റിറ്റ്യൂട്ട് ഫോര് ഇന്റഗ്രേറ്റഡ് സര്ക്യൂട്ട്സ് ആണ് എംപി3 ഫോര്മാറ്റിന്റെ ഉപജ്ഞാതാക്കള്. മറ്റ് ഓഡിയോ ഫോര്മാറ്റുകള്ക്കൊന്നും ഫയലുകളുടെ പൂര്ണതോതിലുള്ള ഇഫക്ടുകള് പുറത്തുവിടാന് കഴിയാത്തിടത്തായിരുന്നു എംപി3 മുന്നിട്ടുനിന്നത്. ഏതായാലും എംപി3ക്ക് പകരം പുതിയ ഫോര്മാറ്റ് കടന്നുവരുമ്പോള് കൂടുതല് ശബ്ദാനുഭവം നല്കാന് കഴിയുന്നവ തന്നെയായിരിക്കും.
ഫ്രോണ്ഹോഫര് ഇന്സ്റ്റിറ്റ്യൂട്ട് എംപി3യുടെ ലൈസന്സിംഗ് മാത്രമാണ് ഇപ്പോള് അവസാനിപ്പിച്ചത്. ഇതിന് എംപി3 ഉപയോഗിക്കാന് കഴിയില്ല എന്ന് അര്ഥമില്ല. പതുക്കെപ്പതുക്കെ മാത്രമേ ഇല്ലാതാകൂ. കാരണം, ലോകത്തിന്റെ മിക്ക ഭാഗങ്ങളിലും എംപി3 ഫയലുകള് ഇന്നും വളരെ പ്രചാരമുണ്ട്. ഇന്ന് ലോകത്ത് എല്ലാ മൊബൈല് നിര്മാതാക്കളും ഉപയോഗിക്കുന്നത് എംപി3 ഫോര്മാറ്റാണ്. അതേസമയം, യു ട്യൂബ് ഉള്പ്പെടെയുള്ള വലിയ കമ്പനികളില് മിക്കതും എഎസിയിലേക്ക് ചുവടുമാറ്റിയിട്ടുണ്ട്.
എപി3യുമായി താരതമ്യം ചെയ്യുമ്പോള് കൂടുതല് ശബ്ദഗുണം നല്കാന് എഎസിക്കു കഴിയുമെന്നാണ് കമ്പനിയുടെ അവകാശവാദം.
പ്രതികരിക്കാൻ ഇവിടെ എഴുതുക: