തിരുവനന്തപുരം: കാഴ്ചപരിമിതര്ക്കുള്ള അഞ്ചാമത് അഖില കേരള ക്രിക്കറ്റ് ടൂര്ണ്ണമെന്റിന്റെ സെമി ഫൈനല് മത്സരങ്ങള് ഇന്ന് തുമ്പ സെന്റ് സേവ്യേഴ്സ് കോളേജ് ഗ്രൗണ്ടില് നടക്കും.
ആദ്യസെമിയില് റെയിന്ബോ സ്റ്റാര്സ് കാസര്കോടും പാലക്കാട് തണ്ടേഴ്സും ഏറ്റുമുട്ടും.
രണ്ടാമത്തെ മത്സരത്തില് മലപ്പുറം ടസ്കേഴ്സ് കെഎഫ്ബി ടൈഗേഴ്സ് കോട്ടയത്തെ നേരിടും.
രണ്ടാം റൗണ്ടിലെ രണ്ടാംദിന മത്സരങ്ങളില് പാലക്കാട് തണ്ടേഴ്സ് യങ്ങ് സ്റ്റാര്സ് കണ്ണൂരിനെ പരാജയപ്പെടുത്തി. ആദ്യം ബാറ്റ് ചെയ്ത കണ്ണൂര് ഏഴ് വിക്കറ്റ് നഷ്ടത്തില് 113 റണ്സെടുത്തു.
പാലക്കാട് 11 ഓവറില് നാലുവിക്കറ്റ് നഷ്ടത്തില് ലക്ഷ്യം മറികടന്നു. ടോസ് നേടിയ പാലക്കാട് കണ്ണൂരിനെ ബാറ്റിങ്ങിന് അയയ്ക്കുകയായിരുന്നു.
രണ്ടാമത്തെ മത്സരത്തില് പാലക്കാട് തണ്ടേഴ്സിനെ മലപ്പുറം ടസ്കേഴ്സ് പരാജയപ്പെടുത്തി . ടോസ് നേടി ബാറ്റിങ്ങ് തിരഞ്ഞെടുത്ത മലപ്പുറം നിശ്ചിത ഓവറില് അഞ്ച് വിക്കറ്റ് നഷ്ടടത്തില് 120 റണ്സെടുത്തു. മറുപടി ബാറ്റിങ്ങിനിറങ്ങിയ പാലക്കാടിന് 4 വിക്കറ്റ് നഷ്ടത്തില് 119 റണ്സെടുക്കാനേ കഴിഞ്ഞുള്ളു.
യങ് സ്റ്റാര്സ് കണ്ണൂരും സീഗിള്സ് അക്കാദമിയും തമ്മില് നടന്ന മത്സരത്തില് കണ്ണൂര് 17 റണ്സിന് വിജയിച്ചു. യങ് സ്റ്റാര്സ് കണ്ണൂര് ആറ് വിക്കറ്റ് നഷ്ടത്തില് 140 റണ്സെടുത്തു. മറുപടി ബാറ്റിങ്ങിനിറങ്ങിയ സീഗിള്സ് അക്കാദമിക്ക് 5 വിക്കറ്റ് നഷ്ടത്തില് 123 റണ്സേ എടുക്കാനായുള്ളു. കേരള ക്രിക്കറ്റ് അസോസിയേഷന്റെ സഹകരണത്തോടെ ക്രിക്കറ്റ് അസോസിയേഷന് ഫോര് ദി ബ്ലൈന്ഡാണ് മത്സരങ്ങള് സംഘടിപ്പിച്ചത്.
പ്രതികരിക്കാൻ ഇവിടെ എഴുതുക: