കൊച്ചി: പോലീസിന്റെ സുരക്ഷാ വീഴ്ചയെത്തുടര്ന്ന് റിമാന്ഡ് പ്രതികളുടെ ആക്രമണത്തിന് ഡോക്ടര്മാര് ഇരയാകുന്നതില് കെജിഎംഒഎ പ്രതിഷേധിച്ചു. ഈ മാസം എട്ടിന് കോതമംഗലം താലൂക്ക് ആശുപത്രിയില് വൈദ്യപരിശോധനയ്ക്ക് ഹാജരാക്കിയ രാജു എന്ന പ്രതി അത്യാഹിത വിഭാഗത്തില് ഡ്യൂട്ടിയിലായിരുന്ന ഡോക്ടറെ മര്ദ്ദിച്ചു.
അക്രമ സ്വഭാവം കാണിക്കുന്ന പ്രതികളെ വൈദ്യ പരിശോധനകള്ക്ക് ഹാജരാക്കുമ്പോള് മതിയായ സുരക്ഷ ഒരുക്കണമെന്ന് കെജിഎംഒഎ പോലീസിനോട് ആവശ്യപ്പെട്ടിരുന്നു. എന്നാല് കഴിഞ്ഞ ദിവസം ഇതേ പ്രതിയെ കോടതിയില് ഹാജരാക്കിയപ്പോള്, മറ്റൊരു കേസിന്റെ ആവശ്യത്തിന് ഡ്യൂട്ടിക്കെത്തിയ വനിതാ ഡോക്ടറെ കോടതിയില് അസഭ്യം പറയുകയും മുഖത്തടിക്കുകയും ചെയ്തു.
അടിയുടെ ആഘാതത്തില് തലകറക്കവും, കേള്വിക്കുറവും അനുഭവപ്പെട്ട വനിതാ ഡോക്ടര് ഇപ്പോള് കോതമംഗലം താലൂക്ക് ആശുപത്രിയില് ചികിത്സയിലാണ്.
ഇത്തരം അക്രമ സ്വഭാവമുള്ള പ്രതികളെ പോലീസ് വൈദ്യപരിശോധനയ്ക്ക് കൊണ്ടുവരുമ്പോള് മതിയായ സുരക്ഷാ ക്രമീകരണങ്ങള് ഇല്ലാത്തപക്ഷം പരിശോധനയില് നിന്നും ഡോക്ടര്മാര്ക്ക് വിട്ടുനില്ക്കേണ്ടിവരുമെന്നും കെജിഎംഒഎ അറിയിച്ചു.
പ്രതികരിക്കാൻ ഇവിടെ എഴുതുക: