തിരുവനന്തപുരം: തിരുവനന്തപുരം റെയില്വേ ഡിവിഷന് ഓഫീസില് വാനാക്രൈ ആക്രമണം. അക്കൗണ്ട്സ് വിഭാഗത്തിലെ നാല് കമ്പ്യൂട്ടറുകളിലും ടെക്നിക്കല് വിഭാഗത്തിലെ ഒരു കമ്പ്യൂട്ടറിലുമാണ് ആക്രമണം ഉണ്ടായിരിക്കുന്നത്. വൈറസ് ആക്രമണം ഉണ്ടായതോടെ കമ്പ്യൂട്ടറുകളും നെറ്റ്വര്ക്കും ഓഫാക്കി.
രാവിലെ 11.30ഓടെയാണ് വാനാക്രൈ ആക്രമണമുണ്ടായതെന്ന് റെയില്വേ അധികൃതര് പറഞ്ഞു. പബ്ലിക് ഡൊമെയിനുകളുമായി ബന്ധിപ്പിച്ചിട്ടുള്ള കമ്പ്യൂട്ടറുകളിലല്ല വൈറസ് ആക്രമണം ഉണ്ടായിരിക്കുന്നതെന്നും പൊതുജനങ്ങളുമായി ബന്ധപ്പെട്ട സേവനങ്ങള്ക്ക് തടസമുണ്ടാകില്ലെന്നും റെയില്വേ അറിയിച്ചിട്ടുണ്ട്.
കമ്പ്യൂട്ടറുകളില് നിന്നും വിവരങ്ങള് വീണ്ടെടുക്കാനുള്ള നടപടികള് സ്വീകരിക്കുമെന്ന് റെയില്വേ അധികൃതര് പറഞ്ഞു.
പ്രതികരിക്കാൻ ഇവിടെ എഴുതുക: