ലണ്ടന്: ശ്രീലങ്കന് ക്രിക്കറ്റ് ടീം മുന് നായകന് കുമാര് സംഗക്കാര ഫസ്റ്റ് ക്ലാസ് ക്രിക്കറ്റും അവസാനിപ്പിക്കുന്നു. കൗണ്ടിയില് സറേക്കു വേണ്ടി കളിക്കുന്ന താരം ഈ സീസണോടെ കളം വിടുമെന്ന് വ്യക്തമാക്കി.
ലോര്ഡ്സില് മിഡില്സെക്സിനെതിരെ സറേക്കായി രണ്ട് ഇന്നിങ്സിലും നൂറ് തികച്ച ശേഷമാണ് സംഗക്കാരയുടെ തീരുമാനം. ആദ്യ ഇന്നിങ്സില് 114 റണ്സും രണ്ടാമത്തേതില് 120 റണ്സുമെടുത്തു. ചതുര്ദിന മത്സരം സമനിലയില് അവസാനിച്ചു. ഫസ്റ്റ് ക്ലാസിനില്ലെങ്കിലും ട്വന്റി20യില് അടുത്ത വര്ഷം വരെ കളിക്കുമെന്ന് സംഗക്കാര വ്യക്തമാക്കി. ജൂണില് കരീബിയന് ലീഗിലേക്ക് പോകും. സംഗക്കാരയ്ക്കു പകരം ആരോണ് ഫിഞ്ചുമായി സറേ കരാറിലെത്തി.
കൗണ്ടിയില് ഈ സീസണില് 1,000 റണ്സും തികച്ചു ഈ ഇടംകൈയന്. 254 ഫസ്റ്റ് ക്ലാസ് മത്സരങ്ങളില് 60 സെഞ്ചുറിയുള്പ്പെടെ 20,012 റണ്സ് സമ്പാദ്യം. 134 ടെസ്റ്റില് 12,400 റണ്സ് നേടിയിട്ടുള്ള ഇദ്ദേഹം, അഞ്ചാമത്തെ വലിയ റണ്വേട്ടക്കാരനുമാണ്.
പ്രതികരിക്കാൻ ഇവിടെ എഴുതുക: