പുഞ്ചവയല്: കേന്ദ്ര സര്ക്കാര് നടപ്പിലാക്കുന്ന വിവിധ സാമൂഹിക വികസന പദ്ധതിപ്രകാരം പട്ടികവര്ഗ വിഭാഗം വനിതകളുടെ ഉന്നമനത്തിനു വേണ്ടി കൊച്ചിന് ഷിപ്പിയാര്ഡിന്റെ ധനസഹായത്താല് നിര്മ്മിച്ച പുഞ്ചവയല് ശ്രീ സരസ്വതീ വിലാസം ഗിരിജന് മഹിള സമാജത്തിന്റെ കെട്ടിടം കൊച്ചിന് ഷിപ്പിയാര്ഡ് ഡയറക്ടര് കം ഓഡിറ്റ് ചെയര്മാന് ബി.രാധാകൃഷ്ണമേനോന് ഉത്ഘാടനം ചെയ്തു. പിന്നോക്കം നില്ക്കുന്നവരിലേക്ക് സര്ക്കാര് ആനുകൂല്യങ്ങള് എത്തിക്കുയെന്നതാണ് കേന്ദ്രസര്ക്കാരിന്റെ സമീപനമെന്ന അദ്ദേഹം ഉത്ഘാടന പ്രസംഗത്തില് പറഞ്ഞു.
സര്ക്കാര് ആനുകൂല്യങ്ങള് നിരവധിയുണ്ടെങ്കിലും ഇവയൊന്നും സാധാരണ ജനങ്ങളിലേക്ക് എത്തുന്നില്ല. കേരളത്തില് ആദ്യമായിട്ടാണ് ഇത്തരത്തില് ഒരു പദ്ധതി ട്രൈബല് വിഭാഗങ്ങള്ക്കായി നടപ്പാക്കുന്നത്. സാമ്പത്തികമായും സാമൂഹികമായും പിന്നോക്കം നില്ക്കുന്നവര്ക്ക് തൊഴില് സംരംഭങ്ങള് തുടങ്ങാനും പരിപോഷിപ്പിക്കാനുമാണ് പദ്ധതിയിലൂടെ ലക്ഷ്യമിടുന്നത്. കാര്ഷിക വിപണ കേന്ദ്രത്തിന്റെ ഉത്ഘാടനം കൊച്ചിന് ഷിപ്പിയാര്ഡ് ആന്റ് അഡ്മിനിസ്ട്രേഷന് ജനറല് മാനേജര് എം.ഡി.വര്ഗീസ് നിര്വഹിച്ചു. പുഷ്പവല്ലി ഗോപിനാഥ് അധ്യക്ഷത വഹിച്ചു.
പ്രതികരിക്കാൻ ഇവിടെ എഴുതുക: