ചവറ: കൊട്ടുകാട് ജമാത്ത് സെക്രട്ടറി സബറുള്ളഖാന്റെ വീട്ടില് കയറി അക്രമം നടത്തിയ സംഭവത്തില് നിരപരാധികളെ പ്രതിയായി നല്കി സിപിഎം തലയൂരി. വനിതകള് അടക്കം എട്ടുപേരെയാണ് സിപിഎം നിര്ദ്ദേശപ്രകാരം ചവറ പോലീസ് പിടികൂടിയത്. ചവറ മുകുന്ദപുരം സ്വദേശികളായ ചോലയില്പടീറ്റതില് വിളയില് യൂനുസ്കുഞ്ഞ്, ഭാര്യ സുല്ഫത്ത്, നിലാക്കാട്ടയ്യത്ത് വിജയന്, കുന്നേല്കിഴക്കതില് സാദിഖ്, മണ്ണാറകിഴക്കതില് അക്ബര്, കാരാളിക്കുളങ്ങര ഷൈല, അമ്മവീട്ടില് കിഴക്കതില് ഷംല, കാരാളിക്കുളങ്ങര കിഴക്കതില് സീനത്ത് എന്നിവരെയാണ് സിഐയുടെ നേതൃത്വത്തിലുള്ള പോലീസ് സംഘം കൊട്ടുകാടില് നിന്നും ഇന്നലെ രാവിലെ പിടികൂടിയെതന്ന് പറയുന്നത്. കഴിഞ്ഞ ദിവസം രാത്രിയാണ് ഇരുപതംഗസംഘം സബറുള്ളഖാന്റെ വീട്ടില് കയറി അക്രമം നടത്തിയത്. വീടിന്റെ ചുറ്റുമതില് തകര്ത്ത് വീടിന്റെ പിന്വാതിലൂടെ അകത്ത് കട സംഘം വീട്ടുപകരണങ്ങള് അടിച്ചുതര്ക്കുകയും വീട്ടിലുണ്ടായിരുന്ന സ്ത്രീകളെ മര്ദ്ദിക്കുകയും ചെയ്തു. സമീപത്തെ മറ്റ് നാല് വീടുകളുടെ ചുറ്റുമതിലുകളും സംഘം തകര്ത്തു.
പ്രതികരിക്കാൻ ഇവിടെ എഴുതുക: