മട്ടാഞ്ചേരി: വൈദ്യുതി ബില് തുകയടയ്ക്കാത്ത കോര്പ്പറേഷന് സോണല് ഓഫീസിന്റെ വൈദ്യുതി ബന്ധം കെഎസ്ഇബി വിച്ചേദിച്ചു. വൈദ്യുതി തുക അടയ്ക്കാതെ ബന്ധം വിച്ഛേദിക്കുന്നതിനുള്ള കാലാവധി കഴിഞ്ഞിട്ടും ബില് അടക്കാന് വൈകിയതോടെയാണ് മട്ടാഞ്ചേരി നഗരസഭ സോണല് ഓഫീസിലെ ഫ്യൂസ് ഊരിയത്. ഇതോടെ വിവിധ ആവശ്യങ്ങള്ക്കായി നഗരസഭ സോണല് ഓഫീസിലെത്തിയ പൊതുജനങ്ങള് വലഞ്ഞു.
വ്യാഴാഴ്ച രാവിലെ 11 മണിയോടെ വൈദ്യുതി ഉേദ്യാഗസ്ഥര് ഓഫീസിലെത്തി വൈദ്യുതി ബന്ധം വിച്ഛേദിച്ചു. ഓഫീസിനകത്ത് ഇരിക്കാനാവാതെ നഗരസഭാ ജീവനക്കാര് പുറത്തേക്കിറങ്ങിയതോടെ ഓഫീസ് പ്രവര്ത്തനം നിലച്ചു.
മട്ടാഞ്ചേരി സോണല് ഓഫീസില് നിന്ന് വൈദ്യുതി ബില് ലഭിച്ചയുടന് തന്നെ ബില് എറണാകുളത്തെ അക്കൗണ്ട് സെക്ഷനിലേക്ക് അയച്ചതായാണ് ജീവനക്കാര് പറയുന്നത്. അക്കൗണ്ട് സെക്ഷനില് നിന്നും ബില് അടക്കാന് താമസിച്ചതാണ് വിനയായത്. വൈദ്യുതി വിച്ഛേദിക്കപ്പെട്ട വിവരം അറിഞ്ഞതോടെ ഉച്ചയ്ക്ക്ബില് തുക നഗരസഭാധികൃതര് അടച്ചതായാണ് പറയുന്നത്. ഇന്ന് രാവിലെ വൈദ്യുതി ബന്ധം പുനഃസ്ഥാപിക്കുമെന്നാണ് അറിയുന്നത്.
പ്രതികരിക്കാൻ ഇവിടെ എഴുതുക: