നെടുങ്കണ്ടം: കഞ്ചാവുമായി ചെന്നൈ സ്വദേശിയായ പോളിടെക്നിക് വിദ്യാര്ത്ഥി പിടിയില്.
കഴിഞ്ഞ ദിവസം ഉച്ചയ്ക്ക് നെടുങ്കണ്ടം എക്സൈസ് അസിസ്റ്റന്ഡ് ഇന്സ്പെക്ടറുടെ നേതൃത്വത്തില് ബോഡിമെട്ടില് നടത്തിയ വാഹന പരിശോധനക്കിടെയാണ് ആഡംബര കാറിലെത്തിയ ചെന്നൈ സ്വദേശി ഹാരീഷ് (19) വലയിലായത്. പ്രതിയില് നിന്നും 51 ഗ്രാം കഞ്ചാവ് എക്സൈസ് സംഘം പിടിച്ചെടുത്തു.
ചെക്പോസ്റ്റില് എക്സൈസ് സംഘത്തിനെ കണ്ട സംഘം വാഹനത്തില് നിന്നും കഞ്ചാവ് കൈവശമുള്ള ഹാരിഷിനെ പുറത്തിറക്കിയശേഷം വാഹനം ചെക്പോസ്റ്റ് കടത്തി. ഇതിനുശേഷം കാല്നടയായി ഹാരിഷ് ചെക്പോസ്റ്റ് കടക്കുന്നത് ശ്രദ്ധയില്പ്പെട്ട എക്സൈസ് ഉദ്യോഗസ്ഥര് സംശയം തോന്നിയതിനെ തുടര്ന്ന് നടത്തിയ ദേഹപരിശോധനയിലാണ് കഞ്ചാവ് കണ്ടെത്തിയത്. ഉടുമ്പന്ച്ചോല എക്സൈസ് അസിസ്റ്റന്ഡ് ഇന്സ്പെക്ടര് പി.പി ഉണ്ണികൃഷ്ണന്, ഷിയാദ്, അനുപ് എന്നിവരടങ്ങിയ സംഘമാണ് പ്രതിയെ പിടികൂടിയത്. പ്രതിയെ കോടതിയില് ഹാജരാക്കി. ചെന്നൈയില് നിന്നും മൂന്നാര് കാണാനെത്തിയ സംഘാംഗമാണ് പിടിയിലായത്.
പ്രതികരിക്കാൻ ഇവിടെ എഴുതുക: