തൃശൂര്: ഷൊര്ണൂര്-എറണാകുളം പാസഞ്ചര് ട്രെയിനിന്റെ എഞ്ചിന് തകരാറിലായതിനെത്തുടര്ന്ന് എറണാകുളം ഭാഗത്തേക്കുള്ള ട്രെയിനുകള് അരമണിക്കൂറിലധികം വൈകും.
ഇന്നലെ രാവിലെ അഞ്ചരയോടെയാണ് പാസഞ്ചര് ട്രെയിനിന്റെ എഞ്ചിന് പൂങ്കുന്നത്തെത്തിയപ്പോള് കേടായത്. പിനനീട് തൃശൂര് റെയില്വേ സ്റ്റേഷന്വരെ എത്തിച്ചെങ്കിലും മൂന്നോട്ട് പോകാനായില്ല. ഒന്നാം നമ്പര് പ്ലാറ്റ്ഫോമില് കിടന്നതിനാല് ഇതുവഴി പോകേണ്ട ട്രെയിനുകള് രണ്ടും മൂന്നും പ്ലാറ്റ് ഫോമുകളിലെ ലൈനുകളിലൂടെ തിരിച്ചുവിടേണ്ടിവന്നതിനാല് യാത്രക്കാര്ക്കും ഏറെ ബുദ്ധിമുട്ടായി. കൂടാതെ പാസഞ്ചര് ട്രെയിന് കേടായി കിടക്കുകയാണെന്ന വിവരം അനൗണ്സ്ചെയ്യാതിരുന്നതും യാത്രക്കാരെ ആശയക്കുഴപ്പത്തിലാക്കി.
ട്രെയിന് ഇപ്പോള് പോകുമെന്ന ചിന്തയില് യാത്രക്കാര് ഇരുന്നെങ്കിലും ഒരുമണിക്കൂറിനു ശേഷമാണ് പോയത്. തൃശൂരില്തന്നെ കിടന്നിരുന്ന ഒരു ഗുഡ്സ് ട്രെയിനിന്റെ എഞ്ചിന് ഘടിപ്പിച്ചാണ് പാസഞ്ചര് ട്രെയിന് യാത്രതുടര്ന്നത്.
പാസഞ്ചര് ട്രെയിനിന്റെ എഞ്ചിന് തകരാറിലായതിനെതുടര്ന്ന് പുനലൂര് എക്സ്പ്രസ്, ചെന്നൈ-ആലപ്പുഴ, കേരള എക്സ്പ്രസ്, ഐലന്റ് എക്സ്പ്രസ് തുടങ്ങിയ ട്രെയിനുകളൊക്കെ വൈകിയാണ് കടത്തിവിടാനായത്.
രാവിലെ ഏഴിന് എറണാകുളത്തെത്തേണ്ട ഷൊര്ണൂര്-എറണാകുളം പാസഞ്ചര് ട്രെയിന് എഞ്ചിന് മാറ്റിയ ശേഷം മൂന്നു മണിക്കൂര് വൈകി പത്തരയോടെയാണ് എറണാകുളത്തെത്തിയത്. ഇതുമൂലം ഗുരുവായൂര് – എറണാകുളം പാസഞ്ചര് ട്രെയിനും ഒരുമണിക്കൂര് വൈകിയാണ് എത്തിയത്.
പ്രതികരിക്കാൻ ഇവിടെ എഴുതുക: