പൊന്കുന്നം: ബാങ്കില്നിന്നു വിളിക്കുകയാണെന്നു തെറ്റിദ്ധരിപ്പിച്ച് ഭീഷണിപ്പെടുത്തി എടിഎം കാര്ഡിന്റെ നമ്പര് വാങ്ങാന് ശ്രമിച്ചെന്ന് പരാതി. പൊന്കുന്നത്തെ ഓവന് ബേക്കറി ഉടമ ജേക്കബ് തോമസിനാണ് ഇത്തവണ വ്യാജ ഫോണെത്തിയത്. ന
റിസര്വ്വ് ബാങ്ക് ഉദ്യോഗസ്ഥനാണെന്ന് തെറ്റിദ്ധരിപ്പിച്ചായിരുന്നു കോള്. എടിഎം കാര്ഡിന്റെ കാലാവധി തീര്ന്നെന്നും പുതുക്കാന് കാര്ഡിന്റെ നമ്പര് വേണമെന്നുമായിരുന്നു ആവശ്യം.
ഇതില് സംശയം തോന്നിയ ജേക്കബ് വാഹനമോടിക്കുകയാണെന്നും നമ്പര് കടയിലെത്തിയ ശേഷം തരാമെന്നും പറഞ്ഞതിനെത്തുടര്ന്ന് വണ്ടി എത്രയും വേഗം കടയിലേക്ക് തിരിച്ചു വിടാന് ഭീഷണിപ്പെടുത്തുകയായിരുന്നു.
സംഭവത്തില് അന്വേഷണം വേണമെന്നും നമ്പറിന്റെ ഉടമയെ കണ്ടെത്തിത്തരണമെന്നുമാവശ്യപ്പെട്ട് ജേക്കബ് പൊന്കുന്നം സര്ക്കിള് ഓഫീസര്ക്ക് പരാതി നല്കി.
പരാതിയില് കേസെടുത്ത് അന്വേഷണം ആരംഭിച്ചു. ഇത്തരത്തില് നടക്കുന്ന തട്ടിപ്പുകളുടെ നമ്പറുകള് വ്യാജമാണെന്നും അന്വേഷണ പുരോഗതിക്ക് കാരണമായതൊന്നും തുടര്ന്ന് ലഭിക്കില്ലെന്നും ഇത്തരം തട്ടിപ്പുകളില് വീഴാതിരിക്കാന് ജനങ്ങള് ശ്രദ്ധിക്കണമെന്നും പോലീസ് അറിയിച്ചു. ഏഴു വര്ഷം മുന്പ് കൂരാലിയില് ഇത്തരത്തിലോരു കേസ് റിപ്പോര്ട്ട് ചെയ്തിരുന്നു.
പ്രതികരിക്കാൻ ഇവിടെ എഴുതുക: