പന്തീരാങ്കാവ്: പന്തീരാങ്കാവ് മാമ്പുഴയില് കൊതുകുകള് പെരുകുന്നു. ഇയ്യട്ടേരിത്താഴത്ത് മാമ്പുഴയുടെ തീരദേശങ്ങളിലാണ് കൊതുകിന്റെ കൂത്താടികള് പെരുകുന്നത്. പുഴയുടെ തീരപ്രദേശങ്ങളിലെ വീടുകളില് കൊതുകുശല്യം രൂക്ഷമാണ്. കൊതുക് കടിച്ച ഭാഗം ചുവന്ന തടിച്ച് അസഹ്യമായ ചൊറിച്ചില് അനുഭവപ്പെടുന്നുമുണ്ട്. പുഴയിലെ വെള്ളം പച്ചനിറത്തിലായിട്ടുണ്ട്.
മാസങ്ങള്ക്ക് മുമ്പ് പുഴയിലെ മത്സ്യങ്ങള് ചത്തുപൊങ്ങിയിരുന്നു. ജന്മഭൂമി വാര്ത്തയെ തുടര്ന്ന് വെള്ളം പരിശോധന നടത്തിയപ്പോള് ഓക്സിജന് കുറവാണെന്ന് കണ്ടെത്തിയിരുന്നു. കൊയമ്പ്രത്ത്പാലത്തിന്റെ പണി നടക്കുന്നതുകൊണ്ടും കുന്നത്തുപാലത്തെ ഉപ്പ് വെള്ളം കയറാതിരിക്കാന് ഷട്ടര് അടച്ചതുമാ ണ് വെള്ളത്തിന്റെ ഒഴുക്ക് നിലക്കാന് കാരണം. ഇതോടെയാണ് കൊതുകുകള് പെരുകാനിടയാക്കിയത്. ആരോഗ്യവകുപ്പ് നടപടി സ്വീകരിച്ചില്ലെങ്കില് പ്രദേശത്തെ ജനങ്ങളുടെ ആരോഗ്യത്തിന് ഇത് വെല്ലുവിളിയാകും.
പ്രതികരിക്കാൻ ഇവിടെ എഴുതുക: