ചേര്ത്തല: പ്രോ കബഡി ലീഗില് ചേര്ത്തലയുടെ താരവും. നഗരസഭ 24-ാം വാര്ഡില് മുന്നൂറ്റിച്ചിറ വീട്ടില് ഉത്തമന്റെയും ഉഷയുടെയും മകനായ വിഷ്ണുവാണ് പാട്ന പൈറേറ്റ്സ് ടീമില് ഇടം നേടിയത്. 25 ലക്ഷം രൂപയ്ക്കാണ് വിഷ്ണുവിനെ ടീം ഉടമ രാജേഷ് ഷാ സ്വന്തമാക്കിയത്. ആര്മി റെഡ് ടീമില് അംഗമായ വിഷ്ണു ജോഥ്പൂരില് നടന്ന 64-ാമത് സീനിയര് ദേശീയ ചാമ്പ്യഷിപ്പിലും ഇന്ഡോറില് നടന്ന ഫെഡറേഷന് കപ്പിലും ചാമ്പ്യന്മാരായ സര്വീസസ് ടീമിനുവേണ്ടി കളിച്ചിരുന്നു.
തെലങ്കാന പ്രോ കബഡിയില് ഹൈദരാബാദ് ബുള്സ് ടീമില് അംഗമായിരുന്നു. ലീഗിലെ മികച്ച റൈഡറായിരുന്നു വിഷ്ണു. ചേര്ത്തലയിലെ കബഡി ക്ലബ്ബായ സെവന് ഹീറോസിലൂടെയാണ് വിഷ്ണു കളിക്കളത്തിലിറങ്ങുന്നത്.
ക്ലബ്ബിലെ സീനിയര് താരങ്ങളുടെ ചിട്ടയായ പരിശീലനങ്ങളിലൂടെ മികച്ച റൈഡറായി മാറി. സ്കൂള് ജില്ലാ ടീമിലും ജൂനിയര് നാഷണല്സിലും, യൂണിവേഴ്സിറ്റി ടീമിലും അംഗമായിരുന്നു. യൂണിവേഴ്സിറ്റി നാഷണല് ടീമിന്റെ ക്യാപ്റ്റനായിരുന്നു. പ്രോ കബഡി ലീഗില് സീസണ് മൂന്നിലും നാലിലും ചാമ്പ്യന്മാരായത് പാട്ന പൈറേറ്റ്സ് ആണ്.
പ്രതികരിക്കാൻ ഇവിടെ എഴുതുക: