ബാലുശ്ശേരി: ഉത്തരകേരളത്തിലെ നാലാമത്തെ സിന്തറ്റിക് ട്രാക്ക് കോഴിക്കോട് കിനാലൂര് ഉഷ സ്കൂളില് ജൂണ് 15ന് പ്രധാനമന്ത്രി നരേന്ദ്രമോദി വീഡിയോകോണ്ഫറന്സിലൂടെ ഉദ്ഘാടനം ചെയ്യും. വൈകീട്ട് മൂന്നിന് നടക്കുന്ന ചടങ്ങില് കേന്ദ്ര കായിക യുവജനക്ഷേമ വകുപ്പ് മന്ത്രി വിജയ്ഗോയല് അധ്യക്ഷത വഹിക്കും. എം.പിമാര് സംസ്ഥാന മന്ത്രിമാര്,എം.എല്.എമാര്, ത്രിതല പഞ്ചായത്ത് പ്രതിനിധികള്, രാഷ്ട്രീയ സാമൂഹിക കായിക രംഗത്തെ പ്രമുഖര് പങ്കെടുക്കും.
പരിപാടിയുടെ നടത്തിപ്പിനായി 101 അംഗ സ്വാഗതസംഘം രൂപീകരിച്ചു. യോഗത്തില് പനങ്ങാട് ഗ്രാമപഞ്ചായത്ത് പ്രസിഡണ്ട് വി.എം കമലാക്ഷി അധ്യക്ഷതവഹിച്ചു. വൈസ് പ്രസിഡണ്ട് പി ഉസ്മാന്, സി.കെ ഷൈനി, എന്.പി രാമദാസ്, പി അബ്ദുള്സലാം, അബ്ദുറഹിമാന്കുട്ടി, ഇസ്മയില് കുറുമ്പൊയില്, ഏ.സി ബൈജു, എന്നിവര് സംസാരിച്ചു. സ്കൂള് സെക്രട്ടറി അജനചന്ദ്രന് സ്വാഗതവും പി.കെ അബ്ദുള്നാസര് നന്ദിയും പറഞ്ഞു.
സ്വാഗതസംഘം ഭാരവാഹികളായി വി.എം കമലാക്ഷി (ചെയര്പേഴ്സണ്) നിജേഷ് അരവിന്ദ്, ഹരിദാസന് കെ.പി, ഭരതന് പിഎം, അബ്ദുള് ലത്തീഫ്, (വൈസ് ചെയര്മാന്മാര്) ഇസ്മയില് കുറുമ്പൊയില് (ജനറല് കണ്വീനര്) എന്.പി രവീന്ദ്രന്, കെ.കെ പത്മനാഭന്, പി അബ്ദുള്സലാം, ഏ.സി ബൈജു (ജോ. കണ്വീനര്മാര്) എന്.പി രാമദാസ് (ട്രഷറര്) എന്നിവരെ തെരഞ്ഞെടുത്തു.
പ്രതികരിക്കാൻ ഇവിടെ എഴുതുക: