തൃശൂര്: ബീഫ് ഫെസ്റ്റില് പങ്കെടുത്ത എഎസ്ഐക്കെതിരെ വകുപ്പുതല നടപടിക്ക് ശുപാര്ശ. കെഎസ്യു തൃശൂരില് നടത്തിയ ബീഫ് ഫെസ്റ്റില് വിളമ്പിയ മാംസം കഴിച്ച ഈസ്റ്റ് സ്റ്റേഷനിലെ എഎസ്ഐ ബാലകൃഷ്ണനെതിരെയാണ് നടപടി.
സര്ക്കാരിനെതിരായി നടന്ന സമരത്തില് യൂണിഫോമിട്ട് പങ്കെടുത്തുവെന്നാണ് ഇയാള്ക്കെതിരെ സ്പെഷല് ബ്രാഞ്ച് റിപ്പോര്ട്ട്.
ഇന്നലെ രാവിലെ കോര്പ്പറേഷന് പരിസരത്ത് സംഘടിപ്പിച്ച ബീഫ് ഫെസ്റ്റില് പോലീസ് ഡ്യൂട്ടിക്കെത്തിയതായിരുന്നു എഎസ്ഐ. സംഘാടകര് ഒരു പാത്രത്തില് ബീഫ് എഎസ്ഐക്കും നല്കി.
യൂണിഫോമിലാണെന്നോര്ക്കാതെ അത് കഴിക്കുകയും ചെയ്തു.
കമ്മീഷണ്ക്കും അസി. കമ്മീഷണര്ക്കും ഇത് സംബന്ധിച്ച് സ്പെഷല് ബ്രാഞ്ച് റിപ്പോര്ട്ട് നല്കിയിട്ടുണ്ട്.
ഡ്യൂട്ടിയിലുള്ള പോലീസ് ഉദ്യോഗസ്ഥന് സര്ക്കാര് വിരുദ്ധ സമരത്തിന്റെ ഭാഗമായത് ചട്ടവിരുദ്ധമാണെന്നാണ് റിപ്പോര്ട്ട്.
എഎസ്ഐക്ക് കാരണം കാണിക്കല് നോട്ടീസ് നല്കാന് തീരുമാനമായിട്ടുണ്ട്.
പ്രതികരിക്കാൻ ഇവിടെ എഴുതുക: