പാറശ്ശാല: കുഴിഞ്ഞാം വിള ഓയില് കമ്പനിക്ക് ലൈസന്സ് നല്കിയ നടപടി ചര്ച്ച ചെയ്യാന് വിളിച്ച കമ്മറ്റിയില് നിന്ന് പ്രസിഡന്റ് സെക്രട്ടറിയും എത്താത്തതില് പ്രതിഷേധിച്ച് ബിജെപിയും പ്രതിപക്ഷ അംഗങ്ങളും പഞ്ചായത്ത് ഓഫീസ് ഉപരോധിച്ചു. ഇന്നലെ ഉച്ചയക്ക് ആരംഭിച്ച സമരം രാത്രി വൈകിയും തുടരുകയാണ്. ജന ജിവിതത്തിന് ഭീഷണിയായ കുഴിഞ്ഞാം വിളയിലെ ഓയില് കമ്പനിക്ക് രണ്ടാഴ്ച മുമ്പാണ് സെക്രട്ടറി ലൈസന്സ് നല്കിയത്.സംഭവത്തെ കുറിച്ച് ചര്ച്ച ചെയ്യുന്നതിനായി നാല് ദിവസം മുമ്പ് കമ്മിറ്റി വിളിച്ചെങ്കിലും അന്നും പ്രസിഡന്റും സെക്രട്ടറിയും എത്തിയിരുന്നില്ല. തുടര്ന്നായിരുന്നു കമ്മറ്റി ഇന്നലത്തേക്ക് മാറ്റിയത്. കമ്മിറ്റി സമയമായിട്ടും ഇരുവരും എത്താത്തതിനെ തുടര്ന്ന് ബി ജെപി അംഗങ്ങളും പാര്ട്ടി പ്രവര്ത്തകരുമെത്തി ഓഫീസ് ഉപരോധിച്ചു. വൈകിട്ട് അഞ്ചു മണിക്ക് ജീവനക്കാര് ഓഫീസ് പൂട്ടാന് ശ്രമിച്ചെങ്കിലും പ്രവര്ത്തകര് അനുവദിച്ചില്ല. വിഷയം ചര്ച്ച ചെയ്യാന് വെള്ളിയാഴ്ച കമ്മറ്റി ചേരുമെന്ന് അറിയിച്ചെങ്കിലും ഉപരോധം രാത്രിയും തുടരുകയാണ്. ബിജെപി പാറശ്ശാല മണ്ഡലം പ്രസിഡന്റ് കൊല്ലയില് അജിത്, മേഖല പ്രസിഡന്റ് ഇഞ്ചി വിളമഹേശ്, ജനറല് സെക്രട്ടറി ഇഞ്ചി വിള അനില് ,നെടിയാംകോട് അജയകുമാര്, പാറശ്ശാല പ്രവീണ്, പുത്തന്ക്കട ഉണ്ണി, ബിജെപി മെമ്പര്മാരായ സുരേഷ്, നീല, തുടങ്ങിയവര് പങ്കെടുത്തു.
പ്രതികരിക്കാൻ ഇവിടെ എഴുതുക: