ഹോം » ലോകം » 

22കാരന്റെ വയറ്റില്‍ 13 കിലോ വന്‍കുടല്‍

പ്രിന്റ്‌ എഡിഷന്‍  ·  June 15, 2017

ബീജിങ് : കനത്ത വയറുവേദനയെ തുടര്‍ന്ന് ആശുപത്രിയില്‍ എത്തിയ 22കാരന്റെ വയറ്റില്‍ നിന്ന് നീക്കം ചെയ്തത് 13 കിലോഗ്രാം വന്‍കുടല്‍. ജന്മനാ കുടലിന് വളര്‍ച്ചയുള്ള അസുഖമുണ്ടായിരുന്നെങ്കിലും ഇത് കണ്ടെത്തിയില്ല. വര്‍ഷങ്ങളായി വയറുവേദന അനുഭവിച്ചിരുന്ന ഈ യുവാവ് ഡോക്ടര്‍മാരെ കണ്ടിരുന്നെങ്കിലും പ്രശ്‌നം തിരിച്ചറിഞ്ഞിരുന്നില്ല. കുടലിന്റെ വളര്‍ച്ചക്കൊപ്പം ഇയാളുടെ വയറും വലുതായി.

കഴിഞ്ഞാഴ്ച യുവാവിനെ സ്‌കാനിങ്ങിന് വിധേയനാക്കിയപ്പോഴാണ് ഇക്കാര്യം അറിയുന്നത്. വന്‍കുടല്‍ അമിതമായി വളര്‍ന്ന് പൊട്ടാറായ അവസ്ഥയിലേക്കെത്തിയിരുന്നു. രക്തധമനികളും ടോക്‌സിനുകളും തമ്മില്‍ ഒരുമിച്ചായതിനെ തുടര്‍ന്നാണ് വന്‍ കുടല്‍ ഇത്രയും വികസിച്ചത്. ഈ മാസം എട്ടിനായിരുന്നു ശസ്ത്രക്രിയ.

30 ഇഞ്ച് നീളത്തില്‍ വന്‍കുടല്‍ വളര്‍ന്നിരുന്ന ഭാഗമാണ് മുറിച്ചുമാറ്റിയത്. ശസ്ത്രക്രിയയ്ക്കുശേഷം യുവാവിന്റെ ആരോഗ്യസ്ഥിതി സാധാരണ നിലയിലായതോടെയാണ് ആശുപത്രി അധികൃതര്‍ ഇത് പുറത്തുവിട്ടത്. എന്നാല്‍ യുവാവിനെ കുറിച്ചുള്ള വിവരങ്ങള്‍ പുറത്തുവിട്ടിട്ടില്ല.

Related News from Archive

Editor's Pick