മലയിന്കീഴ്: കൊലക്കേസ് പ്രതി കഞ്ചാവുമായി പോലീസ് പിടിയില്. മാറനല്ലൂര് വെളിയംകോട് ഉണ്ടുവെട്ടി ചിറത്തലയ്ക്കല് റോഡരികത്ത് വീട്ടില് എം. അനീഷിനെ (38, ലാലു) യാണ് കഞ്ചാവ് പൊതികളുമായി മാറനല്ലൂര് പോലീസ് പിടികൂടിയത്. ഇന്നലെ വൈകുന്നേരം 4.30ന് അരുവിക്കര വെയിറ്റിംഗ് ഷെഡിന്
സമീപത്ത് നിന്നാണ് ഇയാളെ പിടികൂടിയത്. കഞ്ചാവ് വില്പ്പനയിലൂടെ കിട്ടിയ 2000 രൂപയും പോലീസ് ഇയാളില് നിന്ന് കണ്ടെത്തി. കഴിഞ്ഞ വര്ഷം ആമച്ചല് ചന്ദ്രമംഗലം സ്വദേശി ചന്ദ്രനെ രാത്രി വ്യാപര സ്ഥാപനം പൂട്ടി മടങ്ങുമ്പോള് വെട്ടിക്കൊലപ്പെടുത്തിയ കേസിലെ മൂന്നാം പ്രതിയാണ് അനീഷ്. ജാമ്യത്തിലിറങ്ങിയ ശേഷം ലഹരി വസ്തുക്കളുടെ വില്പനയില് ഏര്പ്പെട്ടിരുന്നതായി പോലീസിന് വിവരം ലഭിച്ചിരുന്നു. എസ്ഐ ഷിബു. വി, സിപിഒമാരായ പ്രവീണ്കുമാര്, നന്ദകുമാര് എന്നിവരുടെ നേതൃത്വത്തിലാണ് പ്രതിയെ പിടികൂടിയത്.
പ്രതികരിക്കാൻ ഇവിടെ എഴുതുക: