മാഡ്രിഡ് : പോര്ച്ചുഗല് നായകന് ക്രിസ്റ്റിയനോ റെണാള്ഡോ റയല്മാഡ്രിഡ് ക്ലബ് വിടുമെന്ന് റിപ്പോര്ട്ട്. റയല് മാഡ്രിഡ് വിടുകയാണെന്നും ഈ തീരുമാനത്തില് നിന്ന് പിന്മാറില്ലെന്നും റൊണാള്ഡോ പോര്ച്ചുഗല് താരങ്ങളോട് പറഞ്ഞതായി സ്പാനിഷ് ദിനപ്പത്രം മാര്ക്ക റിപ്പോര്ട്ട് ചെയ്തു.
കളിക്കളത്തിന് പുറത്തുളള പ്രശ്നമാണ് ക്ലബ് വിടാന് റൊണാള്ഡോയെ പ്രേരിപ്പിക്കുന്നത്. നികുതി വെട്ടിപ്പുമായി ബന്ധ്പ്പെട്ട് അന്വേഷണം നടക്കുന്നതില് രോഷാകുലനാണ് റൊണാള്ഡോ. കോടിക്കണക്കിന് രൂപ നികുതിവെട്ടിച്ചെന്നാണ് കേസ്.
അതിനിടെ റൊണാള്ഡോയെ റയല് മാഡ്രിഡില് നിലനിര്ത്താന് കോച്ച് സിനദിന് സിദാന് ശ്രമം തുടങ്ങി. റഷ്യയില് കോണ്ഫെഡറേഷന് കപ്പില് കളിക്കുന്ന റൊണാള്ഡോയെ ഫോണില് വിളിച്ച് ക്ലബ് വിട്ടുപോകരുതെന്ന് സിദാന് അപേക്ഷിച്ചു.
റയല് മാഡ്രിഡ് ക്യാപറ്റന് സെര്ജിയോ റാമോസും റൊണാള്ഡോയെ ഫോണില് വിളിച്ച് ക്ലബില് തുടരണമെന്ന് അഭ്യര്ഥിച്ചു. റയല് മാഡ്രിഡിനായി കളിച്ച 265 മത്സരങ്ങളില് റൊണാള്ഡോ 285 ഗോളുകള് നേടിയിട്ടുണ്ട്. നാലു സീസണുകളിലായി മൂന്ന് തവണ ചാമ്പ്യന്സ് ലീഗ് ഫൈനലില് ചാമ്പ്യന്മാരായി.
പ്രതികരിക്കാൻ ഇവിടെ എഴുതുക: