പോര്ട്ട് ഓഫ് സ്പെയിന്: വെസ്റ്റ് ഇന്ഡീസുമായുളള ഇന്ത്യയുടെ ആദ്യ ഏകദിനം ഇന്ന്. ചാമ്പ്യന്സ് ട്രോഫി ഫൈനലില് പാക്കിസ്ഥാനോടേറ്റ നാണംകെട്ട തോല്വിയും അനില് കുംബ്ലെയുടെ രാജിയും സൃഷ്ടിച്ച വിവാദങ്ങള്ക്കു നടുവിലും കോഹ്ലിയും സംഘവും പരമ്പര നേടാനുളള കണക്കു കൂട്ടലിലാണ്.
അഞ്ച് ഏകദിനവും ഒരു ട്വന്റി-20യുമാണ് പരമ്പരയില്. ഒരു വര്ഷം മുമ്പ് ഇന്ത്യന് ടീമിന്റെ മുഖ്യ പരിശീലകനായി കുംബ്ലെ സ്ഥാനമേറ്റതും വിന്ഡീസ് പര്യടനത്തിലാണ്. എന്നാല് ഇഇത്തവണ കുംബ്ലെ ഇല്ലാതെയാണ് ടീം ഇന്ത്യയുടെ വിന്ഡീസ് പര്യടനം.
ഇന്ത്യന് ടീമിനൊപ്പം വിന്ഡീസിലേക്കു യാത്ര ചെയ്യാതെ ലണ്ടനില് തങ്ങിയ കുംബ്ലെ ഏവരെയും ഞെട്ടിച്ചുകൊണ്ട് പരിശീലക സ്ഥാനത്തുനിന്ന് രാജിവയ്ക്കുകയാണെന്നു പ്രഖ്യാപിക്കുകയായിരുന്നു.
പ്രതികരിക്കാൻ ഇവിടെ എഴുതുക: