കണ്ണൂര്: മമ്പറം ഹയര്സെക്കണ്ടറി സ്കൂള് അന്താരാഷ്ട്ര നിലവാരത്തിലേക്കുയരുന്നു. ഇതിന്റെ ഭാഗമായി ആദ്യഘട്ടത്തില് ആകര്ഷകമായ ക്ലാസ്മുറികള്, നൂറില്പരം കമ്പ്യൂട്ടറുകള്, ശീതീകരിച്ച കമ്പ്യൂട്ടര് ലാബുകള്, നവീകരിച്ച ഓപ്പണ് ഓഡിറ്റോറിയം, അന്താരാഷ്ട്രനിലവാരത്തിലുള്ള പതിനഞ്ചോളം ഡിജിറ്റല് ക്ലാസ് മുറികള് തുടങ്ങിയവയാണ് സ്കൂളില് സജ്ജമാക്കിയിട്ടുള്ളത്. ആദ്യഘട്ട ഉദ്ഘാടനം 27ന് കാലത്ത് 9.30 ന് മുഖ്യമന്ത്രി പിണറായി വിജയന് നിര്വ്വഹിക്കുമെന്ന് സംഘാടകര് വാര്ത്താസമ്മേളനത്തില് അറിയിച്ചു. ഇതോടൊപ്പം സര്ക്കാരിന്റെ ഹരിതകേരളം പദ്ധതിയുടെ ഭാഗമായി 1500 ഓളം വൃക്ഷത്തൈകളുടെ വിതരണം മാവിന്തൈ നട്ടുകൊണ്ട് മുഖ്യമന്ത്രി നിര്വ്വഹിക്കും. ശീതീകരിച്ച കമ്പ്യൂട്ടര് ലാബ് സ്വിച്ചോണ് കര്മം സണ്ണി ജോസഫ് എംഎല്എ നിര്വ്വഹിക്കും. ചടങ്ങില് മന്ത്രി രാമചന്ദ്രന് കടന്നപ്പള്ളി അധ്യക്ഷത വഹിക്കും. പി.കെ.ശ്രീമതി എംപി നവീകരിച്ച ഹയര്സെക്കണ്ടറി ലൈബ്രറിയുടെ ഉദ്ഘാടനം നിര്വ്വഹിക്കും. വാര്ത്താസമ്മേളനത്തില് കെ.മധുസൂദനന്, ഇ. മനോഹരന്, കെ.രവീന്ദ്രന്, എന്.ടി.മിഹ്റാജ് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: