റായ്പൂര്: ഛത്തീസ്ഗഡിലെ സുഖ്മയില് മാവോയിസ്റ്റുകളുമായുള്ള ഏറ്റുമുട്ടലില് അഞ്ചു സൈനികര്ക്ക് പരിക്കേറ്റു. നക്സല് വിരുദ്ധ പോരാട്ടത്തിലാണ് പ്രത്യേക ദൗത്യ സംഘാംഗങ്ങള്ക്ക് പരിക്കേറ്റത്. പോരാട്ടം വൈകിയും തുരടുകയാണ്.
സുഖ്മയിലെ ചിന്താഗുഫയിലെ ഉള്ക്കാടുകളിലാണ് പോരാട്ടം. പ്രത്യേക ദൗത്യ സേന, ജില്ലാ റിസര്വ്വ് ഗാര്ഡ്, നക്സലുകളുമായുള്ള പോരാട്ടത്തിന് പ്രത്യേക പരിശീലനം നല്കിയ കോബ്ര എന്നിവരടങ്ങിയ സേനയാണിത്. നക്സലുകള് തമ്പടിച്ച കാടാണിത്.
നക്സലുകളുടെ കേന്ദ്രത്തില് കടന്നുചെന്ന് അവരെ നേരിടുന്ന തന്ത്രമാണ് സൈന്യം ഇപ്പോള് അനുവര്ത്തിക്കുന്നത്. ഏപ്രില് 24ന് 25 സിആര്പിഎഫ് സൈനികരെ നക്സലുകള് വധിച്ചിരുന്നു. അതിനു ശേഷം സൈന്യം കടുത്ത നടപടികള് തുടരുകയാണ്.
പ്രതികരിക്കാൻ ഇവിടെ എഴുതുക: