ഹാലെ: ഹാലെ ഓപ്പണ് ടെന്നീസില് സ്വിസ് ഇതിഹാസം റോജര് ഫെഡറര്ക്ക് കിരീടം. ഞായറാഴ്ച നടന്ന ഫൈനലില് റഷ്യയുടെ അലക്സാണ്ടര് സ്വരേവിനെ നേരിട്ടുള്ള സെറ്റുകള്ക്ക് തകര്ത്താണ് ഫെഡറര് ചാമ്പ്യനായത്. ടൂര്ണമെന്റിന്റെ ചരിത്രത്തില് ഒന്പതാം തവണയാണ് ഫെഡറര് ഇവിടെ ചാമ്പ്യനാകുന്നത്. സ്കോര് 6-1, 6-3.
കഴിഞ്ഞ വര്ഷത്തെ ഹാലെ സെമിഫൈനലില് ഫെഡററെ അട്ടിമറിച്ച ആത്മവിശ്വസത്തോടെയാണ് സ്വരേവ് ഫൈനലിന് ഇറങ്ങിയത്. എന്നാല് നേരിട്ടുള്ള സെറ്റുകള്ക്ക് ഫെഡറര് സ്വരേവി വീഴ്ത്തി.
ഈ വര്ഷം ഫെഡററുടെ നാലാം കിരീടമാണിത്. നേരത്തെ ഈ വര്ഷത്തെ ഓസ്ട്രേലിയന് ഓപ്പണ്, മിയാമി ഓപ്പണ് കിരീടങ്ങളും ഫെഡറര് സ്വന്തമാക്കിയിരുന്നു. കരിയറിലെ 92-ം കിരീടവുമാണിത്. ഡബിള്സിലെ എട്ടെണ്ണവും കൂട്ടുമ്പോള് കിരീടങ്ങളുടെ എണ്ണത്തില് ഫെഡറര് സെഞ്ചുറി തികയ്ക്കുകയും ചെയ്തു.
പ്രതികരിക്കാൻ ഇവിടെ എഴുതുക: