ചേര്ത്തല: അപകടത്തില്പെട്ട കാര് റോഡരികില് ദുരൂഹസാഹചര്യത്തില് ഉപേക്ഷിക്കപ്പെട്ട നിലയില്. മാസങ്ങള് പിന്നിട്ടിട്ടും ഉടമസ്ഥനെ കണ്ടെത്താനോ കാര് നീക്കം ചെയ്യാനോ പോലീസ് നടപടി സ്വീകരിക്കുന്നില്ലെന്ന് ആക്ഷേപം.
ചേര്ത്തല – തണ്ണീര്മുക്കം റോഡില് നിന്നുള്ള മുല്ലപ്പള്ളി ശാവശേരി ഇടറോഡിനരുകില് മുല്ലപ്പള്ളി കാവിന് സമീപമാണ് കാര് കണ്ടെത്തിയത്. അപകടത്തില്പ്പെട്ട് ഭാഗികമായി തകര്ന്ന നിലയിലാണ്. കെഎല് 16 എച്ച് 370 രജിസ്റ്റര് നമ്പരിലുള്ള നാനോ കാര് മാസങ്ങള് മുമ്പാണ് ഇവിടെ ഉപേക്ഷിച്ചത്.
എതാനും ദിവസങ്ങള് കഴിഞ്ഞിട്ടും ഉടമയെത്താതിരുന്നതിനെ തുടര്ന്ന് പ്രദേശവാസികള് പോലീസില് അറിയിച്ചെങ്കിലും ആരും അന്വേഷിച്ചില്ല. തുടര്ന്ന് പലവട്ടം പോലീസില് അറിയിച്ചെങ്കിലും നടപടി ഉണ്ടായില്ലെന്ന് നാട്ടുകാര് പറഞ്ഞു.
കാര് ഉപേക്ഷിക്കപ്പെട്ട നിലയില് കണ്ട വിവരം നേരത്തെ ആരും അറിയിച്ചിരുന്നില്ലെന്നും വാഹനത്തിന്റെ ഉടമയെ കണ്ടെത്താന് അടിയന്തര നടപടി സ്വീകരിക്കുമെന്നും പോലീസ് പറഞ്ഞു.
പ്രതികരിക്കാൻ ഇവിടെ എഴുതുക: