കണ്ണൂര്: കച്ചേരിക്കാവ് ക്ഷേത്രത്തിലെ പ്രതിഷ്ഠാനവീകരണകലശം ജുലൈ 2 മുതല് 5 വരെ വിപുലമായ പരിപാടികളോടെ നടക്കും. 5 ന് ഉച്ചക്ക് 12.10 നും 1.13 നും മധ്യേയാണ് പ്രതിഷ്ഠാകലശ മുഹൂര്ത്തം. 2 ന് വൈകുന്നേരകം 5 ന് മന്ത്രി കടകംപളളി സുരേന്ദ്രന് ക്ഷേത്രം നാടിന് സമര്പ്പിക്കും. ചടങ്ങില് മലബാര് ദേവസ്വം ബോര്ഡ് പ്രസിഡണ്ട് സജീവ് മാറോളി അധ്യക്ഷത വഹിക്കും. തിടപ്പള്ളി സമര്പ്പണം ഗോകുലം ഗോപാലനും സുവനീര് പ്രകാശനം കെ.ഗിരീശനും നിര്വ്വഹിക്കും. അഡ്വ.കെ.ഗോപാലകൃഷ്ണന്, ക്ഷേതം തന്ത്രി കരുമാരത്തില്ലത്ത് പരമേശ്വരന് നമ്പൂതിരിപ്പാട് എന്നിവര് അനുഗ്രഹ പ്രഭാഷണം നടക്കും. 2 ന് ഉച്ചക്ക് ശേഷം 3 മണിക്ക് മാവിലാക്കാവ് ക്ഷേത്രത്തില് നിന്നും പ്രതിഷ്ഠാ വിഗ്രഹ ഘോഷയാത്രയോടൊപ്പം മാലിവായി ദേശവാസികളുടെ വകയായുളള കലവറ നിറക്കല് ഘോഷയാത്ര, കടമ്പൂര് ദേശവാസികളുടെ വകയായുളള കലവറ നിറക്കല് ഘോഷയാത്ര, നിത്യാനന്ദ വായനശാലക്ക് സമീപത്തു നിന്നും കാടാച്ചിറ ദേശവാസികളുടെ ഘോഷയാത്ര, അരയാല്ത്തറയില് നിന്നും മമ്മാക്കുന്ന് ദേശവാസികളുടെ ഘോഷയാത്ര, ശ്രീനാരായണഗുരു മഠത്തില് നിന്നും മേലൂര് ദേശവാസികളുടെ ഘോഷയാത്ര, അണ്ടല്ലൂര്ക്കാവ് ക്ഷേത്ര തൃക്കൈക്കുട ക്ഷേത്ര സമീപത്തു നിന്നും പുറപ്പെട്ട് കച്ചേരിക്കാവ് ക്ഷേത്രത്തില് സംഗമിക്കും. വൈകുന്നേരം 6 ന് ആധ്യാത്മിക പ്രഭാഷണം, രാത്രി 7.30 ന് സംഗീത നിശ, 3 ന് വൈകുന്നേരം വിവിധ താന്ത്രിക കര്മ്മങ്ങള്, 7 ന് പ്രഭാഷണം, തുടര്ന്ന് വിവിധ കലാപരിപാടികള്, 4 ന് ഉച്ചക്ക് പ്രസാദ സദ്യ, 7 ന് പ്രഭാഷണം, 8 മുതല് കലാപരിപാടികള്, 5 ന് രാവിലെ മുതല് പ്രത്യേക പൂജകള്, 12.10 നും 1.13 നും മധ്യേ കലാശാഭിഷേകം, തുടര്ന്ന് പ്രസാദസദ്യ, അഖണ്ഡനാമജപം, വൈകുന്നേരം ദീപാരാധന, തുടര്ന്ന് തിരുനട തുറക്കല്, ഭഗവത് ദര്ശനം എന്നിവയാണ് പ്രധാന പരിപാടികള്.
പ്രതികരിക്കാൻ ഇവിടെ എഴുതുക: