ബാഗ്ദാദ്: ഇറാഖിൽ കാണാതായ 39 ഇന്ത്യക്കാരെക്കുറിച്ച് യാതൊരു വിവരവുമില്ലെന്ന് ഇന്ത്യയിലെ ഇറാഖ് പ്രതിനിധി ഫക്രി അൽ ഇസ വ്യക്തമാക്കി. 2014നു ശേഷം ഇറാഖിൽ നിന്നും കാണാതായ 39 പേർ ജീവിച്ചിരിക്കുന്നുണ്ടോ മരിച്ചിരിക്കുമോ എന്നതിനെക്കുറിച്ച് യാതൊരു വിവരവുമില്ലെന്ന് ഒരു ദേശിയ മാധ്യമത്തിന് നൽകിയ അഭിമുഖത്തിലാണ് അദ്ദേഹം വ്യക്തമാക്കിയത്.
‘തനിക്ക് ഇതിനെപ്പറ്റി വ്യക്തമായ റിപ്പോർട്ട് ഒന്നും തന്നെ ലഭിച്ചിട്ടില്ല. ഐഎസ് പിടിമുറുക്കിയ ഇറാഖ് പ്രദേശങ്ങളിൽ നിന്നും നിരവധി പേരാണ് പലായനം ചെയ്യുന്നത്. ഒരുപക്ഷേ ഇറാഖികൾക്കൊപ്പം ഇന്ത്യക്കാരെയും ഐഎസ് ഭീകരർ അടിമകളോ പ്രതിരോധ കവചങ്ങളോ ആക്കിയേക്കാം. എന്നാൽ അവർ ജീവിച്ചിരിക്കുന്നുണ്ട് താൻ വിശ്വസിക്കുന്നുണ്ട്’- അൽ ഇസ പറഞ്ഞു.
അതേ സമയം ഇറാഖ് വിദേശകാര്യമന്ത്രിയുടെ ഇന്ത്യാ സന്ദർശനത്തിന് മുന്നോടിയായിട്ടാണ് അൽ ഇസായുടെ പ്രതികരണം വന്നത്. 70 ശതമാനത്തോളം തകർന്നടിഞ്ഞ ഇറാഖിനെ ഇന്ത്യയ്ക്ക് സഹായിക്കാനാകുമെന്നാണ് തന്റെ വിശ്വാസമെന്നും അൽ ഇസ പറഞ്ഞു. നേരത്തെ ഇറാഖിൽ കാണാതായ ഇന്ത്യക്കാരുടെ ബന്ധുജനങ്ങൾ വിദേശകാര്യമന്ത്രി സുഷമ സ്വരാജിനെ സന്ദർശിച്ചിരുന്നു.
പ്രതികരിക്കാൻ ഇവിടെ എഴുതുക: