വര്ക്കല: ഒരുകോടി വിലമതിക്കുന്ന സര്ക്കാര് ഭൂമി കയ്യേറ്റക്കാരില് നിന്നും തിരിച്ച് പിടിച്ചു. അയിരൂര് വില്ലേജില് വില്ലിക്കടവ് പാലത്തിന് സമീപം വര്ക്കല പാരിപ്പള്ളി റോഡിന് സമാന്തരമായിട്ടുള്ള 27 സെന്റ് സര്ക്കാര് ഭൂമിയാണ് കയ്യേറ്റക്കാരില് നിന്നും റവന്യൂ അധികൃതര് തിരിച്ച് പിടിച്ചത്. ബ്ലോക്ക് നമ്പര് 3ല് റീസര്വ്വേ 227ല്പ്പെട്ട 11 ആര് പുരയിടമാണ് പോലിസിന്റെ സഹായത്തോടെ തിരിച്ച് പിടിച്ചത്. കേരള ഭൂ സംരക്ഷണ നിയമത്തിലെ വ്യവസ്ഥകള് പ്രകാരം കയ്യേറ്റ കക്ഷിയായ അയിരൂര് പുന്നവിള വീട്ടില് ലിജിക്ക് നോട്ടിസ് നല്കിയെങ്കിലും സര്ക്കാര് ഭൂമി വിട്ടൊഴിയാന് കയ്യേറ്റക്കാര് തയ്യാറായിരുന്നില്ല. ഇതിനെ തുടര്ന്നാണ് മാര്ക്കറ്റ് വിലയില് ഒരു കോടിയോളം വരുന്ന വസ്തു തിരിച്ച് പിടിക്കാന് പോലീസിന്റെ സഹായത്തോടെ റവന്യു അധികൃതര് എത്തിയത്. അയിരൂര് ആറിന്റെ ഭാഗമായുള്ള പുറമ്പോക്ക് ഭൂമിയാണ് ഇവര് കയ്യേറി കൃഷി ചെയ്തിരുന്നത്. ഏറ്റെടുത്ത ഭൂമി ഇപ്പോള് വാടക കെട്ടിടത്തില് പ്രവര്ത്തിക്കുന്ന അയിരൂര് പോലിസ് സ്റ്റേഷന് പുതിയ കെട്ടിടം നിര്മ്മിക്കുന്നതിന് വേണ്ടിയുള്ള നടപടികള് സ്വീകരിക്കുമെന്ന് തഹസിദാര് പറഞ്ഞു.
പ്രതികരിക്കാൻ ഇവിടെ എഴുതുക: