മുക്കം: വ്യാജ ബില്ലുകള് സമര്പ്പിച്ച് വിദ്യാഭ്യാസ സ്റ്റാന്ഡിംഗ് കമ്മിറ്റി ചെയര്മാന് നഗരസഭയില് നിന്നും പണം കൈപ്പറ്റാന് ശ്രമിച്ചെന്ന ആരോപണം രാഷ്ട്രീയ പ്രേരിതവും അടിസ്ഥാന രഹിതവുമാണെന്ന് നഗരസഭാ ചെയര്മാന് വി.കുഞ്ഞന് പറഞ്ഞു. നഗരസഭ നടത്തുന്ന വികസന പ്രവര്ത്തനങ്ങളില് അഴിമതിയുണ്ടെന്ന പ്രതിപക്ഷ പാര്ട്ടികളുടെ പ്രചാരണത്തിന്റെ തുടര്ച്ചയാണെന്നും അദ്ദേഹം പറഞ്ഞു.
വിവിധ രംഗങ്ങളില് കഴിവ് തെളിയിച്ച വിദ്യാര്ത്ഥികളെയും അധ്യാപകരെയും ആദരിക്കുന്നതിനായി നഗരസഭാ വിദ്യാഭ്യാസ കര്മ്മ സമിതി തീരുമാന പ്രകാരം കഴിഞ്ഞ മാര്ച്ച് 10 ന് സമാദരം എന്ന പേരില് പരിപാടി നടത്തിയിരുന്നു. നീലേശ്വരം ഹയര് സെക്കന്ഡറി സ്കൂളില് നടന്ന ആ പരിപാടിക്ക് 30000 രൂപ ചെലവു വന്നു.
ഇത്രയും തുക നഗരസഭാ ഫണ്ടില് നിന്നും അനുവദിക്കുന്നതില് സാങ്കേതിക തടസ്സങ്ങളുണ്ടെന്ന നഗരസഭാ സെക്രട്ടറിയുടെ നിര്ദേശപ്രകാരമാണ് ക്രമീകരണങ്ങള് നടത്തിയതെന്നും അദ്ദേഹം വാര്ത്താ സമ്മേളത്തില് അദ്ദേഹം പറഞ്ഞു. സ്റ്റാന്ഡിംഗ് കമ്മിറ്റി അംഗങ്ങളായ പി. പ്രശോഭ് കുമാര്, കെ. ടി. ശ്രീധരന്, ലീല വി, കൗണ്സിലര് പി. ടി. ബാബു തുടങ്ങിയര് വാര്ത്താ സമ്മേളത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: