ചാത്തന്നൂര്: പാചകവാതകത്തില്നിന്ന് എയര് കണ്ടീഷണര് പ്രവര്ത്തിപ്പിക്കാനുള്ള സാങ്കേതികവിദ്യയുമായി ചാത്തന്നൂര് എംഇഎസ് എന്ജിനീയറിങ് കോളേജിലെ വിദ്യാര്ത്ഥികള്. പാചകവാതകസിലിണ്ടറില്നിന്ന് വാതകം അടുപ്പിന്റെ ബര്ണറിലേക്ക് എത്തുന്നതിനുമുന്പ് റെഫ്രിജറേഷന് സാങ്കേതികവിദ്യ ഉപയോഗിച്ച്—മുറി തണുപ്പിക്കുന്ന നൂതനവിദ്യയാണ് വിദ്യാര്ത്ഥികള് അവതരിപ്പിച്ചത്.
ഈ പദ്ധതി നടപ്പാക്കുമ്പോള് മുറിയിലെ ഊഷ്മാവ് ഏകദേശം 19 ഡിഗ്രി സെല്ഷ്യസില് എത്തിച്ചേര്ന്നതായി വിദ്യാര്ഥികള് അവകാശപ്പെടുന്നു. എയര്കണ്ടീഷണറുകളുടെ ഉപയോഗം വര്ധിച്ചുവരുന്ന ഈ കാലഘട്ടത്തില് ചെലവ് കുറഞ്ഞരീതിയില് എയര്കണ്ടീഷണര് നിര്മിച്ചത് ശ്രദ്ധേയമായ നേട്ടമാണ്. പേറ്റന്റ് ലഭിച്ചതിനുശേഷം വ്യവസായിക അടിസ്ഥാനത്തില് ആരംഭിക്കാനുള്ള ശ്രമത്തിലാണ് വിദ്യാര്ത്ഥികള്.
അവസാനവര്ഷ വിദ്യാര്ത്ഥികളായ രാഹുല്കൃഷ്ണന്, നസീം, എന്.അന്വര്ഷ, ഹസീബ്, മിഷാന്, അരുണ്ചന്ദ്രന്, ലിബിന് തോമസ്, ഹരികൃഷ്ണന് എന്നിവരാണ് പദ്ധതിക്ക് പിന്നില്. പ്രോജക്ട് ഗൈഡ് പ്രൊഫ.ധനീഷ്, അഡൈ്വസര് പ്രൊഫ. അരുണ്ജേക്കബ്, വകുപ്പ് മേധാവി പ്രൊഫ.പരമേശ്വരന് എന്നിവരുടെ നേതൃത്വത്തിലാണ് ഈ നേട്ടം കൈവരിച്ചത്.
പ്രതികരിക്കാൻ ഇവിടെ എഴുതുക: