കണ്ണൂര്: കര്ക്കിടക വാവ് ദിനത്തില് പയ്യാമ്പലം കടപ്പുറത്ത് പിതൃതര്പ്പണച്ചടങ്ങുകള്ക്കെത്തിയവര്ക്ക് സേവാഭാരതിയുടെ കൈത്താങ്ങ്. കോരിച്ചൊരിയുന്ന മഴയില് പുലര്ച്ചെ മുതല് പയ്യാമ്പലത്തെത്തിയവര്ക്ക് തര്പ്പണച്ചടങ്ങുകള്ക്കാവശ്യമായ സൗകര്യങ്ങള് ചെയ്തും തര്പ്പണം കഴിഞ്ഞെത്തിയവര്ക്ക് പ്രഭാതഭക്ഷണമായി ചുക്കുകാപ്പിയും ഉപ്പുമാവും നല്കിയുമാണ് സേവാഭാരതി നാട്ടുകാര്ക്ക് ആശ്വാസമേകിയത്. സേവാഭാരതി പ്രവര്ത്തകരായ കെ.പി.രാജീവന് നാറാത്ത്, കെ.ജി.ബാബു, മഹേഷ് ചാല, ദിനേശന്. കെ.ടി.ശ്രീകുമാര് തുടങ്ങിയര് സേവന പ്രവര്ത്തനങ്ങള്ക്ക് നേതൃത്വം നല്കി. കനത്ത മഴയെത്തുടര്ന്ന് തിരമാലകള് അപകടകരമായ വിധത്തില് ശക്തമായ കടപ്പുറത്ത് തര്പ്പണം നടത്തുന്നവരെ അപകടത്തില്പ്പെടാതെ സംരക്ഷിക്കാനും സേവാഭാരതി പ്രവര്ത്തകര് രംഗത്തെത്തി.
പ്രതികരിക്കാൻ ഇവിടെ എഴുതുക: